നമുക്ക് നമ്മുടെ അറിവുകൾ(അനുഗ്രഹങ്ങൾ) പങ്കുവെക്കാം (Let Us Share Our Knowledge (Blessings)

നമുക്ക് നമ്മുടെ അറിവുകൾ(അനുഗ്രഹങ്ങൾ) പങ്കുവെക്കാം 

Pic. Source: creatingthe21stcentury.org

Pic. Source: Kew.org

അടുത്ത കാലത്തായി എന്റെ ബ്ലോഗിലെ ചില എഴുത്തുകൾ കണ്ടു ഒരു വെബ് മിത്രം (ബ്ലോഗ്‌ മിത്രം അല്ല) അൽപ്പം പരിഹാസ രൂപേണ (sarcastic way) ഗൂഗിൾ പ്ലസ്സിൽ കുറിച്ച ചില വരികളാണ് ഈ കുറിപ്പ് എഴുതാൻ എന്നെ പ്രേരിപ്പിച്ചത്.

ഒരു നല്ല ഫോട്ടോഗ്രാഫറും, ഒരു പഴയ ഗൂഗിൾ  buzz മിത്രവുമായ സീനയുടെ (ഇപ്പോൾ ഗൂഗിൾ പ്ലസ്സ് മിത്രം), ഒരു പോസ്റ്റിനു ഒരു കമന്റു ഇട്ടു:  ഒപ്പം ഞാൻ അടുത്തിടെ എഴുതിയ  "ബ്ലോഗ്‌  മാന്ദ്യമോ? ചില ചിന്തകൾ" എന്നകുറിപ്പിന്റെ ലിങ്കും ചേർത്ത് ഇങ്ങനെ എഴുതി:

സീനയുടെ ബ്ലോഗില്‍ തികച്ചും  അവിചാരിതമായി എത്തപ്പെട്ടു വളരെ നല്ല കുറെ ചിത്രങ്ങള്‍ കണ്ടു വീണ്ടും വരാം update ചെയ്യേണ്ടതുണ്ട്,  ഒപ്പം ചില മാറ്റങ്ങളും വരുത്തേണ്ടതുണ്ട്" ഇത് ഞാൻ കുറേക്കാലം മുൻപ് സീനയുടെ ബ്ലോഗിൽ ഇട്ട കമന്റു, പക്ഷെ നോ response, കാരണം. സീന  സോഷ്യൽ സൈറ്റിൽ കിടന്നു നട്ടം  തിരിയുകയാണല്ലോ, പിന്നെങ്ങനെ,  ഇതേപ്പറ്റി അടുത്തിടെ ഞാൻ  എഴുതിയ ഒരു പോസ്റ് കാണുക ഈ ലിങ്കിൽ.   ആശംസകള്‍

http://arielintekurippukal.blogspot.in/2013/09/blog-post_20.html

അതിനൊരു മാന്യ ദേഹം എഴുതിയ വരികൾ ശ്രദ്ധിക്കുക: 

അതിനൊരു മാന്യ ദേഹം എഴുതിയ വരികൾ ശ്രദ്ധിക്കുക: 

"സീനയുടെ ബ്ലോഗില്‍ തികച്ചും  അവിചാരിതമായി എത്തപ്പെട്ടു

വളരെ നല്ല കുറെ ചിത്രങ്ങള്‍ കണ്ടു വീണ്ടും വരാം update

ചെയ്യേണ്ടതുണ്ട്,  ഒപ്പം ചില മാറ്റങ്ങളും വരുത്തേണ്ടതുണ്ട് 

ഇതേപ്പറ്റി അടുത്തിടെ ഞാൻ  എഴുതിയ ഒരു പോസ്റ് കാണുക

ഈ ലിങ്കിൽ  " 
"ഹായ്.. ദാണ്ടെ എത്തിപ്പോയി.. മലയാള ബ്ലോഗ് ലോകം  കാത്തിരുന്ന ആ മാർഗ്ഗദർശി... വരൂ, നമുക്കെല്ലാം അദ്ദേഹത്തെ അനുഗമിക്കാം. ഗുരോ, ഞങ്ങൾക്ക് നേർവഴി കാട്ടിത്തരില്ലേ?"

അതിനു ഞാൻ ഇപ്രകാരം ഒരു മറുപടി കുറിച്ചു:"

എന്താ പേര് (,,,,,,) കുട്ടാ ഇതൊരുമാതിരി sarcastic way യിൽ കാര്യം പറഞ്ഞപോലുണ്ടല്ലോ. എന്തായാലും എന്നെ മാർഗ്ഗദർശിയായി കാണാൻ കഴിഞ്ഞതിൽ പെരുത്ത സന്തോഷം, ഞാൻ എന്റെ ബ്ലോഗുകളിൽ അടുത്തിടെ സൂചിപ്പിച്ചതുപോലെ "മലയാള ബ്ലോഗ് ലോകത്തിൽ തികച്ചും ഒരു നവാഗതൻ" മാത്രം പിന്നെ ഈ ലോകത്തിൽ മനസ്സിലാക്കിയ ചില കാര്യങ്ങൾ മറ്റു സുഹൃത്തുക്കളുമായി പങ്കു വെക്കുന്നു, അത് അനെകർക്ക് പ്രയോജനം ചെയ്യുന്നു എന്നും മനസ്സിലാക്കുന്നു അതിൽ ലഭിക്കുന്ന

ആത്മസംതൃപ്തി ഒന്ന് വേറെ തന്നെ മോനേ!!  നമുക്കീ ഭൂമിയിൽ അധിക കാലം കഴിയാൻ പറ്റില്ലല്ലോ അപ്പോൾ നമുക്കറിയാവുന്ന അറിവുകൾ മറ്റുള്ളവർക്ക് പകർന്നു നല്കാൻ ശ്രമിക്കുക, അല്ലാതെ അതിനു മുതിരുന്നവരെ condemn ചെയ്യാൻ ശ്രമിക്കാതിരിക്കുക.  പിന്നെ ഗുരോ! ആ വിളിക്കു ഞാൻ യോഗ്യനാണോ എന്നറിയില്ല! അറിവ് പകരുന്നവരെ ഗുരോ  എന്ന് വിളിക്കാം അല്ലെ മോനേ!

പിന്നെ നേർവഴി അത് മാത്രം കാട്ടാൻ ആഗ്രഹം അതല്ലേ നല്ലത്! ആശംസകൾ"

ഇത്രയും കുറിച്ചപ്പോൾ ഇതോടുള്ള ബന്ധത്തിൽ ചില കാര്യങ്ങൾ കൂടി വ്യക്തമാക്കേണ്ടതുണ്ടല്ലോ എന്ന് ഓർത്തത്‌.

മുകളിലെ എന്റെ പ്രതികരണത്തിൽ സൂചിപ്പിച്ചതുപോലെ. 'നമുക്കീ ഭൂമിയിൽ ചുരുങ്ങിയ നാളുകൾ മാത്രമേ ഉള്ളല്ലോ.

ഞാൻ വിശ്വസിക്കുന്ന മത ഗ്രന്ഥമായ ബൈബിളിൽ ഇതേപ്പറ്റി വ്യക്തമായ സൂചനകളും ഉണ്ട്.

ക്രൈസ്തവ കൂടിവരവുകളിലും, വിശേഷിച്ചു മരണം നടന്ന വീടുകളിലും ശവസംസ്‌കാര വേളകളിലും പാടാറുള്ള ഒരു ഗാന ശകലം ആണ് പെട്ടന്നു ഓർമ്മയിൽ ഓടിയെത്തിയത്. അതിപ്രകാരം:

"ഏഴു പത്തോ എറെയായാൽ എണ്‍പതോ ധന്യം

 നീളുമായുസ്സതും  നിനച്ചാൽ കഷ്ടത മാത്രം".

അതെ കുറഞ്ഞത്‌ എഴുപതോ എണ്‍പതോ കൊല്ലം ഭൂമിയിൽ ജീവിച്ചു കടന്നു പോവുക.

പലർക്കും പല പരിതസ്ഥിതികൾ.

ചിലർ ലഭിക്കുന്ന അവസരങ്ങൾക്കൊപ്പം ഉയരുന്നു.  നല്ല നിലകളിൽ എത്തുന്നു, മറ്റു ചിലർക്കതിനു കഴിയാതെ പോകുന്നു.

ഇവിടെ ഞാൻ പറയാൻ ഉദ്ദേശിച്ചത്‌, "നാം എത്ര കാലം ജീവിച്ചു എന്നതല്ല, എന്റെ ജീവിതം കൊണ്ട് മറ്റുള്ളവർക്ക് എന്ത് പ്രയോജനം ലഭിച്ചു എന്നൊന്നു ചിന്തിക്കുന്നത് ഇത്തരുണത്തിൽ നല്ലതു തന്നെ.

ഒരു പക്ഷെ പലർക്കും സാമ്പത്തികമായി മറ്റുള്ളവരെ സഹായിക്കാൻ കഴിഞ്ഞെന്നു വരില്ല.  ഇന്നത്തെ ഈ മാറിയ സാമ്പത്തിക പരിസ്ഥിതിയിൽ അതിനു സാദ്ധ്യതകളും കുറവു തന്നെ.  പക്ഷെ നമുക്കെല്ലാവർക്കും തീർച്ചയായും ഒരുപോലെ ചെയ്യുവാൻ കഴിയുന്ന ഒന്നത്രേ കാലാകാലങ്ങളായി നമുക്കു ലഭിച്ചിരിക്കുന്ന അറിവ് മറ്റുള്ളവർക്കും കൂടി പകർന്നു നൽകുക എന്നത്.

ടി കമന്റുകാരൻ പറഞ്ഞതുപോലെ ഞാൻ ഒരു 'മാർഗ്ഗദർശിയോ'  'ഗുരുവോ' അല്ല, മറിച്ചു അറിവിന്റെ അനന്ത സാഗരത്തിന്റെ ഒരു കോണിൽ നിന്നും മുത്തുകൾ പെറുക്കിയെടുക്കാൻ ശ്രമിക്കുന്ന ഒരു സാധാരണക്കാരൻ മാത്രം. ആ ഉദ്യമത്തിനിനിടയിൽ വീണു കിട്ടുന്ന ചെറിയ ചെറിയ അറിവുകൾ സഹജീവികളിലും എത്തിക്കാൻ എന്നാൽ കഴിയുന്ന ചില കാര്യങ്ങൾ ബ്ലോഗ്‌ എഴുത്തിലൂടെയും നേരിട്ടും പങ്കു വെക്കുന്നു എന്ന് മാത്രം.

ഇവിടെയുള്ള ബ്ലോഗുമിത്രങ്ങൾ ഇതിനോട് സമാനമായ ചിന്തകൾ ഉള്ളവർ തന്നെ എന്നാണ് എന്റെ പൂർണ്ണ വിശ്വാസം.

നിങ്ങളുടെ അഭിപ്രയാങ്ങൾ നിർദ്ദേശങ്ങൾ കമന്റു ബോക്സിൽ ചേർക്കുക, നമുക്കു സംവാദിക്കാം.

ഇത് വായിക്കാൻ നിങ്ങൾ സമയം കണ്ടെത്തിയതിൽ എന്റെ ഹൃദയം നിറഞ്ഞ നന്ദി, നമസ്കാരം.

ഇത്രയും എഴുതിയ ശേഷമാണ് ഇന്നത്തെ ദിനപ്പത്രത്തിൽ വന്ന ഒരു ലേഖനം ശ്രദ്ധയിൽപ്പെട്ടത്; അതിൽ എഴുത്തുകാരി ഇപ്രകാരം പറയുന്നു:

What is the use of an idea unless it is uttered?  നല്ലൊരു ആശയം കൊണ്ട് എന്ത് പ്രയോജനം, അതേപ്പറ്റി പറയുന്നില്ലെങ്കിൽ?

What good is a dream unless executed? ഒരു സ്വപ്നം കൊണ്ട് എന്ത് പ്രയോജനം അത് സാക്ഷാൽക്കരിക്കപ്പെടുന്നില്ലെങ്കിൽ?

What good are thoughts unless used to benefit others? ചിന്തകൾ മറ്റുള്ളവർക്ക് പ്രയോജനപ്പെടുംവിധം ഉപയോഗിക്കുന്നില്ലെങ്കിൽ അതുകൊണ്ട് എന്തു ഗുണം?

What good is happiness or success unless shared? സന്തോഷവും, വിജയവും പങ്കു വെക്കുന്നില്ലെങ്കിൽ അത് കൊണ്ട് എന്തു പ്രയോജനം?

വാൽക്കഷണം:

നമ്മൾ മലയാളികളേപ്പറ്റി ഇങ്ങനെ ഒരു പറച്ചിൽ ഉണ്ടെന്നു കേൾക്കുന്നു, അതിൽ എത്ര വാസ്തവം ഉണ്ടെന്നറിയില്ല.

അതിങ്ങനെ കേൾക്കുന്നു:

നമ്മൾ ഞണ്ടുകളെപ്പോലെയാണത്രേ, മുകളിലേക്ക് കയറുവാൻ പരിശ്രമിക്കുന്നവന്റെ കാലിനു പിടിച്ചു താഴേക്കിടുന്നവർ!

നമുക്കങ്ങിനെ ആകാതിരിക്കാൻ ശ്രമിക്കാം, മറ്റുള്ളവരുടെ  ഉയർച്ചയിൽ, വളർച്ചയിൽ, വിജയത്തിൽ അവർക്കൊപ്പം  സന്തോഷിക്കാൻ ശ്രമിക്കാം.

ഒപ്പം നമ്മുടെ കഴിവുകൾ, ചേദം വരാനില്ലാത്ത അറിവുകൾ നമുക്കു മറ്റുള്ളവർക്കായി പകരാം, പങ്കു വെക്കാം.

ആശംസകൾ

ഫിലിപ്പ് വി ഏരിയൽ 

സിക്കന്ത്രാബാദ് 

web counter

• Tweet
• Share
• Share
• Share
• Share