കറുത്ത ബോർഡും വെളുത്ത ചോക്കും ഒരു ചിത്രശലഭവും Blackboard White Chalk And A Butterfly

കറുത്ത ബോർഡും വെളുത്ത ചോക്കും ഒരു ചിത്രശലഭവും Blackboard White Chalk And A Butterfly

1 comment

കറുത്ത ബോർഡും വെളുത്ത ചോക്കും ഒരു ചിത്രശലഭവും 

Blackboard, white chalk and a butterfly
കറുത്ത ബോർഡും വെളുത്ത ചോക്കും ഒരു ചിത്രശലഭവും ഒപ്പം ഒരു വലിയ ചിന്തയും 
പഴയകാല സ്‌മരണകൾ അയവിറക്കുമ്പോൾ ആദ്യം മനസ്സിൽ ഓടിയെത്തുക,  ബാല്യകാല സംഭവങ്ങൾ തന്നെയാണല്ലോ!
ഇതാ അത്തരത്തിലുള്ള ഒരു ചെറിയ അനുഭവവും ഒപ്പം ഒരു ചിന്തയും.
നീണ്ടു നിവർന്ന ഭിത്തിയിൽ പതിപ്പിച്ചു വെച്ചപോലെ തോന്നിക്കുന്ന കറുത്ത ബോർഡുകൾ (പുത്തൻ തലമുറക്കിതൊരു  അപവാദമാണെങ്കിലും)  നമ്മിൽ പലരുടേയും പഠനകാലത്തെ ഓർമ്മകളിൽ തങ്ങി നിൽക്കുന്ന ഒന്ന് തന്നെ ഈ നീണ്ടു നിവർന്നു കാണുന്ന കറുത്ത ബോർഡുകൾ .
അധ്യാപകർ നീണ്ട ചോക്കുപയോഗിക്കുമ്പോൾ പലപ്പോഴും അവ ഒടിഞ്ഞു വീഴാറുണ്ട് അതവർ എടുക്കാൻ ശ്രമിക്കുന്നത് ഒരിക്കലും കണ്ടിട്ടില്ല.  കുനിയുവാൻ കഴിയാത്തതോ  അതോ അതിനു വേണ്ടിയവരുടെ വിലയേറിയ സമയം പാഴാക്കേണ്ടാ എന്നു കരുതിയോ, അതോ, ഒന്നു പോയാൽ മറ്റൊന്നു കിട്ടുമല്ലോ എന്നോർത്തോ എന്തോ, എന്തായാലും മിക്ക അധ്യാപകരും അത് പെറുക്കിയെടുത്തു വീണ്ടും ഉപയോഗിക്കുന്നതു കണ്ടിട്ടില്ല.
അങ്ങനെ താഴെ വീഴുന്ന ചോക്കുകഷണങ്ങൾ  പെറുക്കിയെടുക്കാൻ ഞങ്ങളിൽ ചിലർ കാട്ടിയ ആവേശം (ഒരു തരം മത്സരം എന്നുവേണമെങ്കിൽ പറയാം) അന്നെന്നപോലെ ഇന്നും ഓർമ്മയിൽ നിൽക്കുകയാണ്.
ഒരു പക്ഷെ സ്‌കൂൾ നാളുകളിൽ അങ്ങനെ ഒരു ചോക്കു കഷണം ലഭിക്കുന്നത് ഒരു വലിയ സമ്മാനമായി കരുതിയിരുന്നു.
ഒരിക്കൽ അങ്ങനെ വീണുകിട്ടിയ ചോക്കുകൊണ്ടു ക്ലാസ്സു കഴിഞ്ഞു ഉച്ച ഭക്ഷണത്തിനുശേഷമുള്ള  സമയത്ത് ബോർഡിൽ ഒരു ചിത്രശലഭത്തിന്റെ പടം വരച്ചതും പിന്നീടുണ്ടായ സംഭവങ്ങളും ഇത്തരുണത്തിൽ ഓർത്തുപോവുകയാണ്.
ബോർഡിൽ വരച്ച പടം മായിച്ചു കളയാൻ കഴിഞ്ഞില്ല.  അടുത്ത ക്ലാസ്സിൽ സയൻസ് ടീച്ചർ വന്നതും ഞാൻ വരച്ച ചിത്രം കണ്ട ടീച്ചർ ആദ്യം തിരക്കിയത് ഈ പടം വരച്ച ആൾ ആരെന്നായിരുന്നു.
സഹപാഠികൾ ഒന്നടങ്കം എൻ്റെ പേർ വിളിച്ചു പറഞ്ഞു.
വിറയ്ക്കുന്ന കാലുകളോടെ ഞാൻ എഴുന്നേറ്റു നിന്നു, ഇന്ന് ടീച്ചറിൽ നിന്നും നല്ല ശകാരം ലഭിച്ചതു തന്നെ.
ഞാനോർത്തു.
പക്ഷെ, പേരു പോലെ തന്നെ സ്നേഹസമ്പന്നയായ സൗമിനി ടീച്ചർ, ഫിലിപ്പ് ഇവിടെ വരൂ എന്നു പറയുന്നത് കേട്ട് ഞാൻ ടീച്ചറിൻറെ അടുത്തെത്തി.
 ഫിലിപ്പ്, കൊള്ളാമല്ലോ നന്നായി വരച്ചല്ലോ എന്ന് പറഞ്ഞ് എൻ്റെ തോളിൽ തട്ടി അഭിനന്ദിച്ചു.
ആവൂ രക്ഷപ്പെട്ടു എന്നറിയാതെ മനസ്സിൽ പറഞ്ഞു പോയി.
അന്ന് മുതൽ സയൻസ് ക്ലാസ്സിൽ ടീച്ചർ എന്നെക്കൊണ്ട് പല ചിത്രങ്ങളും ക്ലാസ് എടുക്കുമ്പോൾ വിരപ്പിച്ചിരുന്നു.
അതെനിക്കൊരു വലിയ പ്രോത്സാഹനം തന്നെയായിരുന്നു.
പിന്നീട് നിരവധി ചിത്രങ്ങൾ കടലാസ്സിൽ പകർത്താൻ എനിക്ക് സാധിച്ചുഎന്നുള്ളതും ഈ സമയം ഓർക്കുകയാണ്.
കാലങ്ങൾ കടന്നു പോയി, വരയെക്കാൾ എനിക്കു കൂടുതൽ കമ്പം വായനയിലായിരുന്നു.
അതെ, വായനയായിരുന്നു എൻ്റെ പ്രധാന ഹോബിയെങ്കിലും വല്ലപ്പോഴും ചിത്രങ്ങളും വരച്ചിരുന്നു.
പിന്നീട്,  വർഷങ്ങൾക്കു  ശേഷം,    മലയാള മനോരമ ആഴ്ചപ്പതിപ്പിൽ നിന്നും ഞാൻ വരച്ച ഒരു കാർട്ടൂണിനു 15 രൂപയുടെ മണിയോഡർ പോസ്റ്റുമാൻ കൊണ്ടുതന്നപ്പോൾ സത്യത്തിൽ ഞാൻ അത്ഭുതപ്പെട്ടുംപോയി.
പിന്നേയും വർഷങ്ങൾക്കുശേഷം  ഞാൻ വരച്ച  ചില കാർട്ടൂണുകൾ, ചില മലയാളം വാരികകളിലും ചില ഇംഗ്ലീഷ് പത്രങ്ങളിലും പ്രസിദ്ധീകരിക്കുകയുണ്ടായി ഒപ്പം അതിനുള്ള പ്രതിഫലങ്ങൾ ലഭിക്കുകയുമുണ്ടായി.
മേൽ വിവരിച്ച സംഭവത്തിൽ നിന്നും ഞാനൊരു വലിയ പാഠം ഉൾക്കൊണ്ടു, അന്ന്  സൗമിനി ടീച്ചർ ഞാൻ ബോർഡിൽ പടം വരച്ചതിനു എന്നെ ശകാരിച്ചിരുന്നെങ്കിൽ ഒരുപക്ഷെ ഞാൻ പിന്നീടൊരിക്കലും പടം വരക്കാൻ മുതിരുമായിരുന്നില്ല.
എൻ്റെ പടം വര എന്നെ മലയാള മനോരമയിലെ പ്രസിദ്ധമായ കുഞ്ചുക്കുറിപ്പ് കാർട്ടൂൺ കോളത്തിന്റെ   ഉപജ്ഞാതാവായ  പ്രശസ്‌ത കാർട്ടൂണിസ്റ്റ് ശ്രീ യേശുദാസനുമായി സമ്പർക്കം പുലർത്തുന്നതിലേക്കു വരെ അത് വഴി തെളിച്ചു എന്നു പറയുന്നതിൽ അത്യധികം സന്തോഷമുണ്ട്.  അതേപ്പറ്റി ഒരു കുറിപ്പ് എൻ്റെ ബ്ലോഗിൽ അന്യത്ര ചേർത്തിട്ടുണ്ട്.
നിർഭാഗ്യവശാൽ എന്തുകൊണ്ടോ, എനിക്ക് ആ വഴിക്കു തിരിയുവാൻകഴിഞ്ഞില്ല. പകരം അത് എഴുത്തിലേക്ക്, അക്ഷരങ്ങളിലേക്ക് വളരുകയാണുണ്ടായത് .
ചിലതെല്ലാം മലയാളത്തിലും പിന്നീട്  ഇംഗ്ലീഷിലും എഴുതിത്തുടങ്ങി.
വിശ്രമജീവിതത്തിൽ ഇപ്പോഴും അതൊരു ആദായമാർഗ്ഗമായിരിക്കുന്നു എന്നു കുറിക്കുന്നതിൽ അത്യധികം സന്തോഷമുണ്ട്.
ആ എഴുത്തുസപര്യ ഇന്നും തുടരുന്നു.
ഈ ചെറിയ സംഭവത്തിൽ നിന്നും മറ്റൊരു വലിയ ചിന്തയാണ് എനിക്ക് ലഭിച്ചത് അതിവിടെ കുറിക്കട്ടെ.
ഒരുപക്ഷെ അധ്യാപകർ ബോർഡിൽ എഴുതുമ്പോൾ ഒടിഞ്ഞു വീഴുന്ന ചോക്കു മുറികൾ പെറുക്കി അവരുടെ വിലയേറിയ സമയം അൽപ്പമെങ്കിലും പാഴാക്കാതെ അവരുടെ കൃത്യം നിർവഹിക്കുന്നതിൽ അവർ മുന്നോട്ടു പോകുന്നതിനാൽ അവരുടെ പ്രവർത്തി നിർവിഘ്‌നം തുടരുവാൻ കഴിയുന്നു എന്നാണ് എൻ്റെ  വിശ്വാസം.
അതെ, ഒരു മാർഗ്ഗതടസ്സവും കാര്യമാക്കാതെ നമ്മുടെ പ്രവർത്തിയിൽ മാത്രം ലക്ഷ്യമൂന്നി മുന്നോട്ടുപോയാൽ നമുക്കു നമ്മുടെ ലക്ഷ്യത്തിലെത്താൻ അനായാസേന കഴിയും.
ചിലപ്പോൾ ഈ മാർഗ്ഗ തടസ്സങ്ങൾ തികച്ചും നിസ്സാരമായവയാകാം അതിനെ അങ്ങനെ തന്നെ അവഗണിച്ചു മുന്നോട്ടു പോയാൽ തീർച്ചയായും നമുക്ക് ലക്ഷ്യത്തിലെത്താം.  അല്ലാതെ അതിനു പുറകെ പോയാൽ, അല്ല അതിൽമാത്രം ശ്രദ്ധ കേന്ദ്രീകരിച്ചിരുന്നാൽ, സമയ നഷ്ടവും ലക്ഷ്യപ്രാപ്തിയിലെത്താൻ അതൊരു തടസ്സവും ആകും എന്നതിൽ സംശയമില്ല.
മറിച്ചു, നിസ്സാരമായ അതിനെ തലയിലേറ്റി പർവ്വതീകരിച്ചു മുന്നോട്ടു പോയാൽ അത് തീർച്ചയായും നമ്മുടെ ലക്ഷ്യത്തിലെത്താൻ  ഒരു വലിയ തടങ്കൽ പാറ തന്നെയായി മാറും.
ഇത്തരം ചെറിയ മാർഗ്ഗ തടസ്സങ്ങൾ ഏതൊക്കെയെന്നു തിരിച്ചറിയുക, അതിനെ അതിൻ്റെ തന്നെ വഴിക്കു വിടുക, അങ്ങനെയെങ്കിൽ അത് നമ്മുടെ ലക്ഷ്യത്തിനൊരു തടസ്സമാകില്ല!
അതെ, അങ്ങനെയുള്ളവയെ അതിൻ്റെ വഴിക്കു വിട്ടു  നമ്മുടെ ലക്ഷ്യത്തിൽ മാത്രം ശ്രദ്ധ കേന്ദ്രീകരിച്ചു മുന്നോട്ടുപോയാൽ ജീവിതപാതയിൽ നമുക്ക് തടസ്സമില്ലാതെ മുന്നേറാം.
ഒടിഞ്ഞു വീഴുന്ന ചോക്കു കഷണങ്ങൾക്കു പിന്നാലെ പോയാൽ അതൊരു പക്ഷെ അധ്യാപകരുടെ അൽപ്പസമയം അതുമൂലം നഷ്‌ടമാകാനും ഇടയാകാം.   ഒരു പക്ഷേ അതു തന്നെയായിരിക്കുമോ അവർ അതെടുക്കാൻ മുതിരാതിരുന്നത് എന്നെനിക്കറിയില്ല.
അതെന്തായാലും അതിൽനിന്നും വലിയൊരു പാഠം ഉൾക്കൊള്ളാൻ എനിക്ക് കഴിഞ്ഞു എന്നു കുറയ്ക്കുന്നതിൽ വളരെ സന്തോഷമുണ്ട്.
നമുക്ക് ഇത്തരം ചെറിയ ചെറിയ തടസ്സങ്ങളെ അതിന്റെ വഴിക്കു വിട്ടു ലക്ഷ്യത്തിലേക്കു മുന്നേറാം.
അതിനു സർവ്വേശ്വരൻ ഏവർക്കും സഹായിക്കട്ടെ.
അനുബന്ധമായി ചേർത്തിരിക്കുന്ന കുറിപ്പ് ഇതോടു ചേർത്തുവായിക്കുക (ഇന്ന്  ഒരു മാന്യ മിത്രം വാട്ട്സാപ്പിൽ അയച്ചുതന്നത്)
നിങ്ങളുടെ പ്രതികരണങ്ങൾ ഈ കുറിപ്പിനോടുള്ള  ബന്ധത്തിൽ, അതെന്തുമാകട്ടെ കമന്റു ബോക്സിൽ ഇടുക. അത് മറ്റു വായനക്കാർക്കും ഒരു പ്രചോദനമാകും എന്നതിൽ സംശയമില്ല.
ഇവിടെ ഒരു കാര്യം കൂടി പറയാതെ പോയാൽ അതുശരിയാകില്ലായെന്നു തോന്നുന്നു!
ഞങ്ങളുടെ കുടുംബത്തിൽ പലർക്കും ഇത്തരം കലാവാസനയുണ്ടായിരുന്നു, ഒരു പക്ഷെ എൻ്റെ പിതാവ് ഒരു തച്ചനായിരുന്നതിനാലോ എന്തോ, മക്കൾക്കും കൊച്ചുമക്കൾക്കും ആ വാസന ലഭിച്ചത്.
എൻ്റെ പിതാവ് പുളിക്കീഴ് പഞ്ചസാര ഫാക്ടറിയിലെ പകൽ ജോലി കഴിഞ്ഞു ലഭിക്കുന്ന സമയം വീട്ടിലിരുന്നു നിരവധി കൗതുകവസ്തുക്കൾ തടിയിൽ നിർമ്മിച്ച് വിറ്റിരുന്നു,
ഏഴ് അംഗങ്ങൾ അടങ്ങുന്ന ഒരു കുടുംബം പുലർത്താൻ ഫാക്ടറിയിൽ നിന്നും കിട്ടുന്ന തുശ്ചമായ വരുമാനം മതിയാകുമായിരുന്നില്ല, അതിനാൽ വീട്ടുപകരണങ്ങൾ ഉൾപ്പടെ പലതും തടിയിൽ  തീർത്തു വിൽപ്പന നടത്തിയായിരുന്നു കുടുംബം പുലർത്തിയിരുന്നത്.
മക്കൾക്കും കൊച്ചുമക്കൾക്കും എല്ലാം ഈ വാസന കിട്ടിയിട്ടുണ്ട്, എൻ്റെ മക്കൾ രണ്ടു പേരും നല്ല പടം വരക്കാരായിരുന്നു. ജേഷ്ഠസഹോദരിയുടെ കൊച്ചുമകളും ഒരു നല്ല ആർട്ടിസ്‌റ്റാണ്‌.
എന്നാൽ തൻ്റെ കൊച്ചുമക്കളിൽ ഒരാൾ  ആഷ്‌ലിൻ (എൻ്റെ നേരേ ഇളയ അനുജൻറെ മകൾ)  ഇന്നും ചിത്രരചന തുടരുന്നു.
നിരവധി സമ്മാനങ്ങൾ വരയിലൂടെ  സ്‌കൂൾ കോളേജ് തലത്തിൽ അവൾ വാരിക്കൂട്ടി.  ഇപ്പോൾ Central Institute of English and Foreign Languages (CEFL) ൽ ഉപരിപഠനം തുടരുന്ന അവൾ അവിടെയും ചിത്രരചനയിൽ മികവു കാട്ടുന്നു.
സ്‌കൂൾ പഠനകാലത്തു ഒരിക്കൽ സ്‌കൂളിൽ മുഖ്യാഥിതിയായെത്തിയ പ്രശസ്ത കാർട്ടൂണിസ്റ്റിൻറെ ചിത്രം നിമിഷങ്ങൾക്കുള്ളിൽ വരച്ചു നൽകി. അതദ്ദേഹം തന്റെ ഫേസ്ബുക് പോസ്റ്റിൽ ഒരു അടിക്കുറിപ്പോടെ ചേർക്കുകയുണ്ടായി. ആ ചിത്രങ്ങൾ അന്യത്ര ചേർത്തിരിക്കുന്നു.


ഈ ബ്ലോഗിൽ വന്നു വീണ്ടും വായന നടത്തിയ എല്ലാ പ്രിയ മിത്രങ്ങൾക്കും എൻ്റെ നന്ദി നമസ്‌കാരം.
നേരത്തെ സൂചിപ്പിച്ചതുപോലെ നിങ്ങളുടെ അഭിപ്രായങ്ങൾ വിലപ്പെട്ടതാണ് അതെന്തായാലും കമൻറ് ബോക്സിൽ നിക്ഷേപിക്കുക, ഏവർക്കും മറുപടി നൽകുന്നതായിരിക്കും.
സസ്നേഹം നിങ്ങളുടെ  സ്വന്തം
ഏരിയൽ ഫിലിപ്പ് വർഗീസ് 
സിക്കന്തരാബാദ്
അനുബന്ധം:
ഒരിക്കൽ ഒരു പ്രഭാഷകൻ തന്റെ പ്രസംഗത്തിന് ഇടയ്ക്കു ഒരു ഗ്ലാസ്‌ വെള്ളം ഉയർത്തി കാണിച്ചുകൊണ്ടു ചോദിച്ചു ഇതിനു എത്ര ഭാരമുണ്ടെന്നു..
സദസ്സിൽ നിന്നും പല ഉത്തരങ്ങൾ വന്നു.  നൂറു ഗ്രാം, ഇരുനൂറു ഗ്രാം, അഞ്ഞൂറ് ഗ്രാം എന്നിങ്ങനെ..
പ്രഭാഷകൻ പറഞ്ഞു, അല്ല നിങ്ങൾ പറഞ്ഞ ഉത്തരങ്ങൾ തെറ്റാണ്..
സദസ്സിൽ നിന്നും ഒരാളെ വിളിച്ചു ആ ഗ്ലാസ്‌ വെള്ളം ഉയർത്തി പിടിക്കാൻ പറഞ്ഞു.  പ്രഭാഷകൻ അയാളോട് ചോദിച്ചു, എത്ര ഭാരം ഉണ്ടെന്നു,  അയാൾ പറഞ്ഞു  ചെറിയ ഭരമേയുള്ളു..  അയാളോട് അത് അങ്ങിനെ തന്നെ പിടിക്കാൻ പറഞ്ഞു അദ്ദേഹം പ്രഭാഷണം തുടർന്നു..
ഇടയ്ക്കു അയാളോട് ചോദിച്ചു, ഇപ്പോൾ എത്ര ഭാരം ഉണ്ട്?
ഭാരം കൂടുന്നുണ്ട്, അയാൾ പറഞ്ഞു.
അദ്ദേഹം പ്രഭാഷണം തുടർന്നു, ഇടക്കിടക്ക് അയാളോട് ഭാരം ചോദിച്ചു കൊണ്ടിരിന്നു.  അയാൾക്കു കയ്യിലെ ഗ്ളാസിനു ഭാരം കൂടി കൂടി വന്നു.
പ്രഭാഷണത്തിനിടക്ക് അയാൾ വിളിച്ചു പറഞ്ഞു, സാർ ഇപ്പോഴെന്റെ കൈ കഴക്കുന്നു  എനിക്കിനി ഒരു നിമിഷം പോലും പിടിച്ചു നിൽക്കാൻ കഴിയില്ല, ഗ്ലാസ് താഴെ വീണു പൊട്ടിപ്പോകും.
അദ്ദേഹം പ്രഭാഷണം നിറുത്തി, അയാളോടതു താഴെ വെക്കാൻ പറഞ്ഞു. എന്നിട്ട് സദസ്സിനോടായി പറഞ്ഞു,  ആ ഗ്ലാസ്സിനും അതിലെ വെള്ളത്തിന്റെ അളവിനും യാതൊരു മാറ്റവും സംഭവിച്ചിട്ടില്ല പക്ഷെ അത് നിങ്ങൾ കയ്യിൽ വെക്കുംതോറും നിങ്ങള്ക്ക് ഭാരം കൂടുതൽ അനുഭവപ്പെട്ടു തുടങ്ങി..
അതുപോലെയാണ്‌ നമ്മുടെ പ്രശ്നങ്ങളും.  നമ്മുടെ സങ്കടങ്ങളും വിഷമങ്ങളും ദുഃഖങ്ങളും  ദേഷ്യവും നമ്മൾ  എത്ര നേരം മനസ്സിൽ സൂക്ഷിക്കുന്നുവോ അതിന്റെ ഭാരം കൂടി കൊണ്ടേയിരിക്കും അത് മൂലമുള്ള പ്രശ്നങ്ങൾ നമ്മളെ അലട്ടി കൊണ്ടേയിരിക്കും..
നമ്മുടെ വിഷമങ്ങളും ദേഷ്യവും  മോശം ചിന്തകളും മനസ്സിൽ നിന്നും മാറ്റി വെച്ചാൽ അതുമൂലമുള്ള പ്രശ്നങ്ങളും ഇല്ലാതാകും..
മനസ്സിനെ ശാന്തമാക്കുക, പ്രശ്നങ്ങൾ ലഘൂകരിക്കപ്പെടും..
പ്രശസ്തമായൊരു വാചകമുണ്ട്. അതിന്റെ ആദ്യ ഭാഗം ഇങ്ങനെയാണ്,
" നിങ്ങളുടെ വിഷമങ്ങൾക്കു  ഒരു പ്രതിവിധി ഉണ്ടെങ്കിൽ നിങ്ങൾ വിഷമിച്ചിരിക്കുന്നതു എന്തിന്? "
വിഷമിച്ചിരിക്കാതെ ആ പ്രതിവിധി നടപ്പാക്കാൻ ശ്രമിക്കുക.
അതിന്റെ രണ്ടാം ഭാഗം ഇങ്ങിനെയാണ്,
"നിങ്ങളുടെ വിഷമത്തിനു ഒരു പ്രതിവിധിയും ഇല്ലാത്തതാണെങ്കിൽ നിങ്ങൾ വിഷമിച്ചിരിക്കുന്നതു എന്തിന്? "
ഒരിക്കലും മാറ്റാൻ കഴിയാത്ത ഒരു കാര്യത്തെ കുറിച്ച് ആലോചിച്ചു സമയം കളയാതെ അടുത്ത കാര്യങ്ങൾ ചെയ്യുക..
വിഷമങ്ങളും ദുഖങ്ങളും ഇല്ലാത്തവരായി ആരുമില്ല, പണക്കാരനും പാമരനും എല്ലാം അതുണ്ട്..   വിഷമങ്ങളെയും ദുഃഖങ്ങളേയും അതിജീവിക്കുന്നവരാണ്  വിജയിക്കുന്നവർ..
ഓർക്കുക നിങ്ങളുടെ മനസ്സിലേ മോശം ചിന്തകളെ മാറ്റി നിർത്താൻ നിങ്ങൾക്ക്  മാത്രമേ കഴിയൂ..
നിങ്ങൾക്ക് നിങ്ങളുടെ മനസ്സിന് മുന്നിൽ വിജയിക്കാൻ കഴിഞ്ഞാൽ ഈ ലോകത്ത്  നിങ്ങൾ വിജയിച്ചിരിക്കും തീർച്ച....


Blackboard white chalk and butterfly

ആദ്യം പ്രസിദ്ധീകരിച്ചത് ഇവിടെ 


പ്രിയ വായനക്കാരേ, നിങ്ങളുടെ ശ്രദ്ധ 

ദയവായി ക്ഷണിക്കുന്നു !

നിങ്ങളുടെ വിലയേറിയ സമയത്തിന് വളരെയധികം നന്ദി ആദ്യമേ അറിയിക്കുന്നു..
നിങ്ങളുടെ ഫീഡ്‌ബാക്കിനെ / അഭിപ്രായങ്ങളെ / കമെന്റുകളെ  ഞാൻ അഭിനന്ദിക്കുകയും സ്നേഹിക്കുകയും ചെയ്യുന്നു!
എന്റെ വായനക്കാരിൽ നിന്നുള്ള ഫീഡ്‌ബാക്ക് ഞാൻ സ്വീകരിക്കുന്നു, ഒപ്പം ഞാൻ  അതിനു മറുപടി നൽകുകയും അവരുടെ ബ്ലോഗുകൾ സന്ദർശിക്കാൻ പരമാവധി ശ്രമിക്കുകയും ചെയ്യുന്നു.
നിങ്ങളുടെ ഫീഡ്‌ബാക്ക് അനുകൂലമോ, പ്രതികൂലമോ ആയവ അതെന്തായാലും  ഞാൻ നിങ്ങളിൽ നിന്ന് കേൾക്കാൻ ആഗ്രഹിക്കുന്നു.
എന്നാൽ ഇക്കാര്യത്തിൽ ഒരു ചെറിയ നിയന്ത്രണവും, നിബദ്ധനയുമുണ്ട്.
നിങ്ങൾ ഒരു അഭിപ്രായം കുറയ്ക്കുന്നതിന് മുമ്പ് ദയവായി ഞങ്ങളുടെ അഭിപ്രായ നയം വായിക്കുക ,
അല്ലാത്തപക്ഷം, നിങ്ങൾക്ക് നിങ്ങളുടെ കമെന്റുകൾ  നഷ്‌ടപ്പെടാം കൂടാതെ നിങ്ങളുടെ അഭിപ്രായങ്ങൾക്ക് അംഗീകാരം ലഭിക്കാതിരിക്കാനും സാധ്യത ഏറെ!
അതിനാൽ ഫിലിപ്സ്കോമിന്റെ അഭിപ്രായ നയം പാലിച്ച് നിങ്ങളുടെ അഭിപ്രായങ്ങൾ അഭിപ്രായ ബോക്സിൽ പങ്കിടുക.
താഴെ കൊടുക്കുന്ന വാക്കുകൾ ദയവായി ശ്രദ്ധിക്കുക, പാലിക്കുക!

ഇത്തരം കമന്റുകൾക്ക് ഇവിടെ സ്ഥാനമില്ല!

  1. ഒരു വാക്ക് അല്ലെങ്കിൽ ഒരു വരി കമൻറുകൾ ,
  2. അധിക്ഷേപകരമോ, ഭയപ്പെടുത്തുന്നതോ, ഭീഷണിപ്പെടുത്തുന്നതോ, പ്രകോപനപരമോ ആയ കമൻറുകൾ ,
  3. കുറ്റകരമായ പൊതുവൽക്കരണങ്ങൾ നടത്തുന്നവ. 
  4. ഒരു പോയിന്റുമില്ലാതെ എഴുതുന്നവ.
  5. നിന്ദ്യമായ അല്ലെങ്കിൽ സെൻസിറ്റീവ് ഭാഷ ഉപയോഗിച്ചുള്ളവ.
  6. വലിയ അക്ഷരങ്ങളിൽ മാത്രം ടൈപ്പുചെയ്തുള്ളവ.
  7. ഇംഗ്ലീഷിലും, മലയാളത്തിലും, ഹിന്ദിയിലും, തെലുങ്കിലും കമൻറ് എഴുതാം.
  8. വിഷയവുമായി യാതൊരു ബന്ധവുമില്ലാത്ത അപ്രസക്തങ്ങളായവ. 
  9. തങ്ങളുടെ ബ്ലോഗ് ലിങ്കുകൾ  പ്രചരിപ്പിക്കാനായി ശ്രമിക്കുന്ന തരം കമന്റുകൾ. അതായത് തങ്ങളുടെ കമന്റു ലിങ്ക് വീശുവാനായി ഈ ഇടം ലഭ്യമല്ല.
  10. ഫിലിപ്സ്കോമിന് അനാവശ്യമായ ഉപദേശം നൽകുന്നതരം കമന്റുകൾ. 
നിങ്ങളുടെ കമന്റുകൾ, അഭിപ്രായങ്ങൾ എഡിറ്റു ചെയ്യാനും ഞങ്ങളുടെ അഭിപ്രായ നയവുമായി പൊരുത്തപ്പെടാത്ത കാര്യങ്ങൾ നീക്കംചെയ്യാനും ഉള്ള അവകാശം ഫിലിപ്സ്കോം എഡിറ്റർമാരിൽ  നിക്ഷിപ്തമാണ്. സമയം അനുവദിക്കുകയാണെങ്കിൽ ബ്ലോഗ് അഭിപ്രായങ്ങളുമായി ബന്ധപ്പെട്ട ഈ പോസ്റ്റ് സന്ദർശിക്കുക.

 നന്ദി, നമസ്‌കാരം.

 For Philipscom Associates


  ഫിലിപ്പ് വർഗീസ് ഏരിയൽ  

ബ്ലോഗ് എഴുത്തുകാർ എന്തുകൊണ്ട് ധാരാളം വായിക്കണം? Why Should Bloggers Read A Lot?

3 comments

Why Should Bloggers Read A Lot? A Guest Post By Atish Ranjan

ബ്ലോഗ് എഴുത്തുകാർ എന്തുകൊണ്ട് ധാരാളം വായിക്കണം  ഫിലിപ്‌സ്‌കോമിൻറെ പ്രീയപ്പെട്ട വായനക്കാർക്ക് സുപ്രസിദ്ധ ബ്ലോഗർ അതിഷ് രഞ്‌ജനെ പരിചയപ്പെടുത്തുന്നതിൽ വളരെ സന്തോഷമുണ്ട്. ഇന്നത്തെ അതിഥി രചയിതാവ് അതിഷ് ഫിലിപ്‌സ്‌കോമിൻറെ ഒരു സ്ഥിരം വായനക്കാരനുമായ ഇദ്ദേഹം നിരവധി ബ്ലോഗുകൾ പ്രസിദ്ധീകരിക്കുന്നുണ്ട്.

ബ്ലോഗേർസും  വായനയും 

Reading

ബ്ലോഗിംഗ് രംഗത്ത് വിവിധവിഷയങ്ങളിൽ പ്രഗത്ഭമായി നിരവധി ലേഖനങ്ങൾ എഴുതിയ ഇദ്ദേഹം ബ്ലോഗിങ്ങും വായനയും എന്ന വിഷയത്തിൽ ഈ പോസ്റ്റിൽ ചില വിവരങ്ങൾ നൽകുന്നു ഇത് ബ്ലോഗ് എഴുത്തുകാർക്ക് ചില അറിവുകൾ നൽകും എന്നു വിശ്വസിക്കുന്നു. എൻ്റെ ഇംഗ്ലീഷ് ബ്ലോഗിൽ അദ്ദേഹം കുറിച്ച വരികളുടെ ഒരു സ്വതന്ത്ര വിവർത്തനമാണിത്. ഒരു ബ്ലോഗറുടെ ജീവിതത്തിൽ വായനയുടെ പ്രാധാന്യം വളരെ വലുതാണ്. തീർച്ചയായും ബ്ലോഗിംഗ് രംഗത്ത് പുതുതായി പ്രവേശിക്കുന്നവർക്കു ഇത് വളരെ പ്രയോജനം ചെയ്യും എന്ന് ഞാൻ വിശ്വസിക്കുന്നു. അതിഷ്  എഴുതുന്നു, തുടർന്നു വായിക്കുക...

ബ്ലോഗ് എഴുത്തുകാർ എന്തുകൊണ്ട് ധാരാളം വായിക്കണം?

  ബ്ലോഗ് എഴുത്തുകാർ എന്തുകൊണ്ട് ദിവസേന എഴുതണം! അല്ലെങ്കിൽ എങ്ങനെ ഒരു ബ്ലോഗ് എഴുതാം, എന്നു തുടങ്ങിയ വിഷയങ്ങളേപ്പറ്റി തീർച്ചയായും നിങ്ങൾ വായിച്ചിരിക്കും  എന്നു ഞാൻ കരുതുന്നു.  എന്നാൽ ഈ കുറിപ്പിൽ ഒരു ബ്ലോഗർ എന്തുകൊണ്ട് ധാരാളം വായിക്കണം എന്ന വിഷയത്തേപ്പറ്റി ചില കാര്യങ്ങൾ കുറിക്കാം. വായന എന്നത് ഏവർക്കും ഒഴിച്ചുകൂടാൻ പാടില്ലാത്ത ഒന്ന് തന്നെയെന്നതിൽ സംശയമില്ല എന്നാൽ ഒരു ബ്ലോഗറെ സംബന്ധിച്ചിടത്തോളം വായനയെന്നത് ഒഴിച്ചുകൂടാൻ പാടില്ലാത്ത ഒന്ന് തന്നെ. ഒരു ബ്ലോഗർക്കു പലപ്പോഴും വിഷയ ദാരിദ്ര്യം വരാറുണ്ട്. ഒരു പോസ്റ്റ് എഴുതിയ ശേഷം അടുത്ത പോസ്റ്റ് എഴുതാൻ വിഷയം കിട്ടാതെ വരുന്ന ഒരവസ്ഥ പലപ്പോഴും നമുക്കെല്ലാം ഉണ്ടാകാറുണ്ട് എന്നതൊരു വസ്തുതയാണ്. ഇത്തരം സന്ദർഭങ്ങളിൽ നമ്മുടെ നീണ്ട വായന നമുക്ക്  ചില ചിന്തകൾ ആശയങ്ങൾ തരും എന്നതിൽ സംശയമില്ല. തീർച്ചയായും നമ്മുടെ നീണ്ട വായന മൂലം നമുക്കു നിരവധി പ്രയോജനങ്ങൾ ലഭിക്കുന്നു.  അവയിൽ ചിലതു നമുക്ക് ഒന്ന് പരിശോധിക്കാം.

വായനയിലൂടെ പുതിയ ബ്ലോഗ് വിഷയങ്ങൾ ആശയങ്ങൾ 
മുകളിൽ സൂചിപ്പിച്ചതുപോലെ ഒരു ബ്ലോഗർക്ക് പലപ്പോഴും ആശയ ദാരിദ്ര്യമുണ്ടാവുക സ്വാഭാവികം. ഈ അവസ്ഥ ക്രമേണ ഒരു നീട്ടിക്കൊണ്ടു പോകൽ പ്രക്രിയയിലേക്കു (procrastination) നീങ്ങുവാനും സാധ്യതയുണ്ട്. ഈ അവസ്ഥ വളരെ ഗൗരവതരമായ ഒന്ന് തന്നെ, തുടക്കത്തിലേ ഇതിനു പരിഹാരം കാണാൻ കഴിഞ്ഞില്ലെങ്കിൽ അതങ്ങനെ നീണ്ടു നീണ്ടു ഒടുവിൽ എഴുത്തിൽ നിന്നുപോലും പിന്മാറാൻ സാധ്യതയുള്ള ഒരു അവസ്ഥയിലേക്ക് അത് കൊണ്ടുചെന്നെത്തിക്കുന്നു. ഇതൊഴിവാക്കാൻ ഒരു പരിധി വരെ നമ്മുടെ വായന നമ്മെ സഹായിക്കുന്നു. അതെ നമ്മുടെ വായനയിലൂടെ ചില പുതു ആശയങ്ങൾ നമുക്ക് ലഭിക്കുന്നതിനും അത് രൂപപ്പെടുത്തി സൃഷ്ടികൾ രചിക്കുവാനും നമുക്ക് കഴിയും. വായന: ഇന്ന് തന്നെ ഒരു തീരുമാനം എടുക്കുക  ദിവസവും ഉറങ്ങുന്നതിനു മുമ്പ് തീർച്ചയായും ചിലതു വായിച്ചിരിക്കും എന്നൊരു തീരുമാനമെടുത്താൽ അത് നിങ്ങളുടെ ബ്ലോഗെഴുത്തിനു ഗുണം ചെയ്യും. ഇന്നു തന്നെ ഒരു തീരുമാനം എടുക്കുക, വായന, അതെന്തുമാകട്ടെ, നിങ്ങൾക്കിഷ്ടമുള്ള വിഷയങ്ങളോ നിങ്ങളുടെ ബ്ലോഗ് സംബന്ധിയായവയോ എന്തുമാകട്ടെ സമയമെടുത്ത് വായിക്കുക, അഥവാ വായനക്കായി ഒരു നല്ല പങ്കു സമയം വേർതിരിക്കുക, ഞാനൊരു ബ്ലോഗർ തന്നെ പക്ഷെ ഒരു നല്ല എഴുത്തുകാരനോ ചിന്തകനോ അല്ല, അതിനാൽ തന്നെ പലപ്പോഴും എഴുതുവാൻ ആശയങ്ങൾ കണ്ടെത്തുക വളരെ ശ്രമകരമായ ഒന്നായി പലപ്പോഴും തോന്നിയിട്ടുണ്ട്. അഥവാ എന്തെങ്കിലും ആശയം കിട്ടിയാൽ തന്നെ പലപ്പോഴും അതിൽ പ്രാവീണ്യത്തോടെ എഴുതാൻ കഴിയാതെ പോകുന്ന ഒരവസ്ഥ. ചിലപ്പോൾ കിട്ടുന്ന ആശയങ്ങൾ, മുമ്പ് സൃഷ്ടികൾ നടത്തിയിട്ടുള്ളവയുമാവാം, അല്ലെങ്കിൽ ഒരു പക്ഷേ അതെനിക്ക് വഴങ്ങാത്ത ഒരു വിഷയവുമായിരിക്കാം. വായന പുതിയ ആശയങ്ങൾക്ക് വഴി വെക്കുന്നു  എന്നാൽ നിങ്ങളോടു ഞാനൊരു സത്യം പറയട്ടെ,  എന്റെ പരന്ന വായന മൂലം എനിക്കു പലപ്പോഴും വിവിധ ആശയങ്ങൾ ലഭിക്കുന്നതിനും അത് പുതിയൊരു ബ്ലോഗ് പോസ്റ്റിനു രൂപം നൽകുന്നതിനും എനിക്കു പലപ്പോഴും സാധിച്ചിട്ടുണ്ട്.  അങ്ങനെ വായന എന്റെ ജീവിതത്തിലെ ഒരു നിത്യസംഭവമായി മാറി ഒപ്പം അതെനിക്ക് വിശേഷിച്ചും ബ്ലോഗെഴുത്തിൽ ഒരു വലിയ സഹായവുമായി. വായനയെന്നത് മറ്റുള്ളവരുടെ ബ്ലോഗുകൾ മാത്രം വായിക്കുക എന്നല്ല ഇതിനർത്ഥം, മറിച്ചു നമ്മുടെ തന്നെ പഴയ ബ്ലോഗുകളും കമൻറുകളും വീണ്ടും വായിക്കുക ഇത് പലപ്പോഴും അവിടവിടെ ചില തിരുത്തലുകൾ നടത്തി ആ പോസ്റ്റിനു തന്നെ പുതുമ കൂട്ടുന്നതിനും സഹായിക്കുന്നു. എന്തായാലും ഇന്ന് മുതൽ കുറഞ്ഞത് രണ്ടോ മൂന്നോ ബ്ലോഗുകൾ ദിവസവും വായിക്കുക എന്നൊരു തീരുമാനമെടുക്കുക.  സമയ ലഭ്യതയനുസരിച്ചു അതിൻ്റെ എണ്ണം കൂട്ടുകയും ചെയ്യാം, പക്ഷെ കുറയാതെ ശ്രദ്ധിക്കുക. .

വായന പുതിയ അറിവുകൾ നൽകുന്നു 

നാം നമ്മുടെ വായന തുടരുന്നതിനൊപ്പം നമുക്കറിയാവുന്ന വിഷയത്തിൽ കൂടുതൽ പുതിയ അറിവുകൾ ലഭിക്കുന്നതിനും അതു സഹായിക്കുന്നു
ഈ അറിവ് നമ്മുടെ തന്നെ പഴയ ബ്ലോഗ് പോസ്റ്റുകളും വായിക്കുമ്പോൾ  അത് പുതുക്കുന്നതിനും (update) സഹായകമാകും.  അതോടൊപ്പം നമ്മുടെ ജ്ഞാനം ക്രമേണ വർദ്ധിക്കുന്നതിനും കാരണമാകുന്നു.
നമ്മുടെ അറിവുകൾ പുതുക്കുവാനും, പുതിയ അറിവുകൾ നേടുവാനും ബ്ലോഗുലകത്തിൽ  ഉയർന്ന നിലവാരം പുലർത്തുന്ന നിങ്ങൾ എഴുതുന്ന അല്ലെങ്കിൽ കൈകാര്യം ചെയ്യുന്ന വിഷയങ്ങൾ ഉൾക്കൊണ്ട ബ്ലോഗുകൾ വായിക്കുവാൻ ശ്രദ്ധിക്കുക.  ഇതിനായി ഗൂഗിൾ, യാഹൂ, തുടങ്ങി മറ്റു വാർത്താ പോർട്ടലുകൾ ദിവസേന സന്ദർശിക്കുന്നതു ശീലമാക്കുക.  സാധ്യമെങ്കിൽ ഒപ്പം ദിനപ്പത്രങ്ങളും വായിക്കുക.
ചുരുക്കത്തിൽ കൈകളിലെത്തുന്ന എന്തും വായിക്കാതെ വിടരുത്!

വായന നിങ്ങളുടെ എഴുത്തിനെ പരിപോഷിപ്പിക്കുന്നു

വായന എഴുത്തിനെ പരിപോഷിപ്പിക്കുകയോ? ഒറ്റ നോട്ടത്തിൽ ഇതൊരു വിചിത്ര സംഗതിയായി തോന്നിയേക്കാം, പക്ഷെ അതൊരു സത്യം മാത്രമാണ്! വിവിധ എഴുത്തുകാരാൽ എഴുതപ്പെട്ട ബ്ലോഗുകൾ വായിക്കുമ്പോൾ അവർ ഉപയോഗിക്കുന്ന ശൈലികൾ മനസിലാക്കുന്നതിനും അതോടൊപ്പം നിങ്ങൾക്ക് തനതായ ഒരു ശൈലി രൂപപ്പെടുത്താൻ സാധിക്കുകയും ചെയ്യും.  ഈ ശീലം പരിചയിച്ചാൽ ഓരോ ബ്ലോഗ് എഴുതുമ്പോഴും  വ്യത്യസ്‌ത നിലകളിലുള്ള ബ്ലോഗ് രചനകൾ നടത്താൻ സാധിക്കും. ഒരിക്കലും മറ്റുള്ളവരുടെ ശൈലി പകർത്താൻ ശ്രമിക്കരുത്! വായന നിങ്ങളുടെ ഏകാഗ്രതയുടെ അളവ് വർധിപ്പിക്കും  ഇത് നിങ്ങളോടുള്ള ബന്ധത്തിൽ എത്രമാത്രം പ്രവർത്തികമാകും എന്നെനിക്കറിയില്ല പക്ഷെ എന്നോടുള്ള ബന്ധത്തിൽ എനിക്കിതു അനുഭവിച്ചറിയാൻ കഴിഞ്ഞു, നേരത്തെയും ഇപ്പോഴും. അശ്രദ്ധ നേരിടുമ്പോൾ ഇഷ്ടപ്പെട്ട ഒരുവിഷയം തിരഞ്ഞെടുത്തു ഞാൻ വായന തുടങ്ങും, ചില പാരഗ്രാഫകൾ   വായിക്കുമ്പോൾ തന്നെ ഞാൻ അതിൽ ശ്രദ്ധാലുവായി മാറുന്നു, അത് എന്റെ ശ്രദ്ധയിൽ വേണ്ട വ്യതിയാനം വന്നതായി എനിക്കനുഭവപ്പെടും. ഉറങ്ങുന്നതിനു മുമ്പേ ദിവസവും വായന ശീലമാക്കുക, അതു തീർച്ചയായും നിങ്ങളുടെ ഏകാഗ്രതയുടെ അളവു വർദ്ധിപ്പിക്കും. വായന സമ്മർദ്ദത്തിൻറെ അളവു കുറക്കുന്നു. ഏതു രംഗത്തും മത്സരം കൊടുമ്പിരിക്കൊള്ളുന്ന ഈ കാലയളവിൽ അത് ഒരു വിധത്തിൽ വിവിധ തരം  പിരിമുറുക്കത്തിനും,  സങ്കടത്ത,നും  നിരാശക്കും കാരണമാകുന്നു.  അതെന്തായാലും അത്തരം സന്ദർഭത്തിൽ ഒരു നല്ല ലേഖനമോ പുസ്തകമോ വായിക്കുന്നതിനായി സമയം കണ്ടെത്തുന്നുയെങ്കിൽ അതൊരിക്കലും ഒരു വിഫല ശ്രമമാകില്ല, തീർച്ചയായും അത് നിങ്ങളുടെ സമ്മർദ്ദത്തിനു ഇളവ് നൽകും എന്ന് അനുഭവത്തിൻറെ വെളിച്ചത്തിൽ എനിക്കു പറയുവാൻ കഴിയും.

അടിക്കുറിപ്പ്: 

ഈ പോസ്റ്റ് വായിച്ചതിലൂടെ വായനയിലൂടെ ഒരാൾക്ക് ലഭിക്കുന്ന ചില വസ്‌തുതകൾ നിങ്ങൾ മനസ്സിലാക്കി എന്നു ഞാൻ കരുതുന്നു. അതെ, വായന നമുക്കൊരു ശീലമാക്കാം അതിലൂടെ ഈ പ്രോജനങ്ങൾ കൈവരിക്കുക. ഇനി മടിച്ചു നിൽക്കേണ്ട, നിങ്ങളുടെ തന്നെ സുഹൃത്തുക്കളുടെ ബ്ലോഗിലേക്കു മടങ്ങൂ! ഒപ്പം നിങ്ങളുടേയും! അറിവ് വർദ്ധിപ്പിക്കാം, തുടർന്ന് അത് നിങ്ങളുടെ രചനകളിലൂടെ മറ്റുള്ളവരിലേക്കും പകരാം. നമുക്കു നമ്മുടെ അറിവ് വർദ്ധിപ്പിക്കാം ഒപ്പം അത് മറ്റുള്ളവരിലേക്കും പകരം. എല്ലാ ഫിലിപ്‌സ്‌കോം  വായനക്കാർക്കും ലാഭകരമായ ഒരു നീണ്ട വായന ആശംസിക്കുന്നു.

 നന്ദി നമസ്‌കാരം












  അതിഷ് രഞ്‌ജൻ



Dear Readers, Your Attention Please!

Thank you so much for your valuable time.
I appreciate and love your feedback/comments!
 I accept feedback from my readers and often I do reciprocate.
Your feedback negative or positive, I would like to hear from you.
But there is a slight restriction/rule in this regard.
Please read our comment policy before you make a comment,
otherwise, you may miss the mark and your comments may not get approved!
So please do share your views in the comment box keeping the comment policy of Philipscom.


In short, Philipscom will not approve comments that

 1.  Are One word or one line.
2.  Are abusive, intimidating, threatening or inflammatory
3.  Make offensive generalizations
4.  Ramble without a point
5.  Use offensive or insensitive language
6.  typed all in CAPITAL Letters.
7.  typed in a language other than English
8.  Are irrelevant to the post in question
9.  Contain self-promotional materials or links
10.  Give unnecessary, advice to Philipscom
Philipscom also reserves the right to edit comments or to remove material that does not conform to our comment policy.
If time permits please do visit this post related to blogcomments.
 

നമുക്ക് ഒരു കത്തെഴുതാം, ഓർമ്മകൾ പങ്കുവെക്കാം ( Let Us Write A Letter, Share Our Memories)

2 comments

നമുക്ക് ഒരു കത്തെഴുതാം, ഓർമ്മകൾ പങ്കുവെക്കാം ( Let Us Write A Letter, Share Our Memories)



പ്രസിദ്ധ ബ്ലോഗറും, ബ്ലോഗ് സാപ്പ് ലിങ്ക് വാട്ട്സാപ്പ് ഗ്രൂപ്പ് അഡ്മിനുമായ ദിവ്യയുടെ നമുക്കൊരു കത്തെഴുതാം (Let us write a letter) എന്ന ആഹ്വാനകുറിപ്പാണീ വരികൾക്കുപിന്നിൽ.


സത്യത്തിൽ വളരെ സന്തോഷം തോന്നി ആ കുറിപ്പു കണ്ടപ്പോൾ.
ഗ്രൂപ്പ് അംഗങ്ങളുടെ പ്രതികരണങ്ങൾക്കായി ഞാൻ കാത്തിരുന്നു, കുറിപ്പിട്ടു രണ്ടു ദിവസത്തിനുളളിൽ ഏതാണ്ട് ഇരുപതോളം അംഗങ്ങൾ അതിൽ പങ്കെടുക്കുന്നതിനുള്ള അവരുടെ സമ്മതം അറിയിച്ചു.


നേരത്തെ സൂചിപ്പിച്ചതുപോലെ, ആ കുറിപ്പും അതിലെ പ്രതികരണങ്ങളുമാണ് ഈ കുറിപ്പിന്നാധാരം.


കത്തുകൾ എഴുതിയിരുന്ന ആ പഴയകാല ഓർമ്മകൾ അയവിറക്കാൻ കിട്ടിയ നല്ല ഒരവസരം, ഞാനും അതിനു ആമേൻ മൂളി!


സമയം ഒട്ടും പാഴാക്കിയില്ല പതിവ് പോലെ പേനയും ഡയറിയും എടുത്തു ചില്ലതെല്ലാം ഡയറിയിൽ കോറിയിട്ടു!


ഇന്റെർ നെറ്റിൻറെ അതിപ്രസരം കത്തെഴുത്തിൻറെ കാലം കടന്നുപോയി എന്ന് അടിവരയിട്ടു പറയുമ്പോഴും, ആ നല്ല കാലത്തെ ഓർക്കുന്ന ചിലരെങ്കിലും ഇവിടെ ഉണ്ടല്ലോ എന്ന സത്യം അത്യധികം സന്തോഷം പകരുന്ന ഒന്നു തന്നെ!


അവിടേക്കു ഞങ്ങളെ കൂട്ടിവരുത്തിയ ബ്ലോഗ് സാപ്പ് ലിങ്ക് അഡ്മിൻമാരായ ദിവ്യക്കും സുധിക്കും നന്ദി പറഞ്ഞുകൊണ്ട് എൻ്റെ ചില ഓർമ്മകൾ ആ കത്തെഴുതുന്നതിനു ഒരു ആമുഖമായി ഇവിടെ കുറിക്കട്ടെ!


കത്തെഴുത്തിൻറെ ബാലപാഠം അഥവാ തുടക്കം കുറിച്ചത് ഏഴിലോ എട്ടിലോ പഠിക്കുന്ന കാലത്താണെന്നാണെൻറെ  ഓർമ്മ.


ഹിന്ദി ക്ലാസ് അധ്യാപകനായ പണിക്കർ മാഷ് (പ്രസിദ്ധ നിരണം കവികൾ എന്നറിയപ്പെടുന്ന കണ്ണശ്ശ പണിക്കരുടെ കുടുംബാംഗം)  നിങ്ങളുടെ പ്രശ്നങ്ങൾ ചൂണ്ടിക്കാട്ടി പഞ്ചായത്തു പ്രസിഡന്റിനൊരു കത്തെഴുതുക എന്ന ഹൃഹപാഠമായിരുന്നു എൻ്റെ ആദ്യ കത്ത്.


ഹിന്ദി പഠിപ്പിക്കുന്ന ക്ലാസ് അധ്യാപകനെങ്കിലും കത്ത് മലയാളത്തിൽ എഴുതിയാൽ മതി എന്ന പരിഗണനയും അദ്ദേഹം നൽകി.


അദ്ദേഹത്തെപ്പറ്റി ഒരു വാക്കു കൂടി:
ഹിന്ദി അദ്ധ്യാപകനെങ്കിലും കടപ്ര ഗവർണമെന്റ് സ്‌കൂളിലെ എല്ലാ വിധ കലാ കായിക രംഗങ്ങൾക്കും നേതൃത്വം വഹിച്ചിരുന്നത് അദ്ദേഹമായിരുന്നു.
നിങ്ങളുടെ പ്രാദേശിക പ്രശ്‍നങ്ങൾ ചൂണ്ടിക്കാട്ടി പഞ്ചായത്തു പ്രസിഡന്റിനൊരു കത്തെഴുതുക!


കേട്ടപ്പോൾ ആദ്യം ഒരമ്പരപ്പാണുളവായതു. എന്തായാലും വീട്ടിൽ പോയി എല്ലാത്തിനും പരിഹാരം കാണാൻ ഞാൻ ആശ്രയിക്കാറുള്ള മൂത്ത ചേച്ചിയെത്തന്നെ ആദ്യം വിവരം അറിയിച്ചു.


ചേച്ചിയുടെ മറുപടി വളരെ പ്രോത്സാഹനജനകമായിരുന്നു, "അതിനെന്താടാ, അതെളുപ്പമാണല്ലോ നീയെഴുതു ഞാൻ സഹായിക്കാം എന്ന വാക്കെനിക്ക് ഉത്തേജനം നൽകി, ചിലതെല്ലാം ഞാൻ എഴുതിക്കൂട്ടി, ഒരു പേജിൽ വരുന്ന ആ കുറിപ്പിൽ, ചേച്ചി ചില ഭേദഗതികൾ (editing) നടത്തി കത്ത് റെഡിയാക്കി മാഷെ ഏൽപ്പിച്ചു.


എന്തിനധികം കത്തുകളിൽ ഏറ്റം മികച്ച കത്തായി എൻ്റെ കത്ത് തിരഞ്ഞെടുക്കപ്പെട്ടു.  ഇതൊരു യാദൃച്ഛിക  സംഭവംആയിരുന്നെങ്കിലും, അതിനൊരു പിന്തുടർച്ചപോലെ പിൽക്കാലത്ത് കത്തെഴുതിലൂടെ എനിക്ക് നിരവധി സമ്മാനങ്ങൾ (പണമായും മറ്റും) ലഭിച്ചതും ഇവിടെ ഓർത്തു പോവുകയാണ്.


പണിക്കർ മാഷിൻറെ പ്രത്യേക അഭിനന്ദനം പിടിച്ചു പറ്റിയ ആ നിമിഷങ്ങൾ അന്നെന്നപോലെ ഇന്നും ഓർമ്മയിൽ തങ്ങി നിൽക്കുന്നു.
ചേച്ചിയുടെ ആ പ്രോത്സാഹനം, ഇനിയും എഴുതണം എന്ന ഒരു തീരുമാനത്തിൽ എന്നെ എത്തിച്ചു.


വർഷങ്ങൾ ഓടി മറഞ്ഞു, ചേച്ചി ഉദ്യോഗാർത്ഥം സെക്കന്തരാബാദിലേക്കു പോയി. സത്യത്തിൽ അതൊരു വലിയ വിടവ് എനിക്ക് വരുത്തി, കാരണം എല്ലാത്തിനും ഒരു നിഴൽ പോലെ എനിക്കു പ്രോത്സാഹനമായി നിന്നതു ചേച്ചിയായിരുന്നു.


ഓരോ വർഷവും അവധിക്കു നാട്ടിൽ വരുമ്പോൾ എൻ്റെ വായനക്കമ്പം മനസ്സിലാക്കിയ അവർ, വിശേഷിച്ചും ഇംഗ്ലീഷ് ഭാഷയോടുള്ള എന്റെ ഭ്രമം മനസ്സിലാക്കിയ അവർ എനിക്കായി ഒരു ബാഗ് നിറയെ പുസ്തകങ്ങളും മാസികകളും (മിക്കതും ഇംഗ്ലീഷിൽ ഉള്ളവ) കൊണ്ട് വന്നു തരുമായിരുന്നു.
അതിൽ പലതും  പേരെടുത്ത മാസികകൾ തന്നെ.  അങ്ങനെയാണ് Decision Magazine, illustrated weekly of India, Readers Digest, India Today  തുടങ്ങിയ പ്രസിദ്ധീകരണങ്ങൾ പരിചയപ്പെടാനായത്.


വർഷങ്ങൾക്കു ശേഷം പിൽക്കാലത്ത് അവർക്കൊപ്പം സിക്കന്തരാബാദിൽ ഞാൻ എത്തിയപ്പോൾ ഈ പ്രസിദ്ധികരണങ്ങൾ കൂടുതൽ വായിക്കുവാനും അവയിൽ എല്ലാം തന്നെ എൻ്റെ കത്തുകൾ പ്രസിദ്ധീകരിക്കാനും കഴിഞ്ഞു.  
എൻ്റെ ആദ്യ കാല അനുഭവങ്ങൾ എന്ന തലക്കെട്ടിൽ എഴുതിയ കുറിപ്പ് ഇതോടു ചേർത്തു വായിക്കുക.


മലയാളത്തിൽ ആദ്യമായി അച്ചടി മഷി പുരണ്ട എൻ്റെ ആദ്യ കത്ത് മലയാളമനോരമ കോട്ടയം എഡീഷനിൽ നിന്നും പുറപ്പെടുന്ന പത്രത്തിൽ ആയിരുന്നു.   അതിന്റെ ഒരു ചിത്രം ഒപ്പം ചേർത്തിരിക്കുന്നത് ശ്രദ്ധിക്കുക.
നമ്മുടെ നാട്ടിൽ ഫാഷൻ ഭ്രമം വർദ്ധിച്ചു വന്ന നാളുകളൾ.


വസ്ത്രധാരണത്തെപ്പറ്റി നിരവധി ചർച്ചകൾ നടന്നിരുന്ന ആ നാളുകളിൽ "എന്തു ധരിക്കാനും സ്വാതന്ത്ര്യം എന്ന തലവാചകത്തിൽ വളഞ്ഞവട്ടം ഏരിയൽ  എന്ന പേരിൽ അവർ അതു പ്രസിദ്ധീകരിച്ചു.  അതിന്റെ ഒരു ചിത്രം ഒപ്പം ചേർത്തിരിക്കുന്നത് ശ്രദ്ധിക്കുക. 
write a letter
ഇതിനിടയിൽ രസകരവും ഒപ്പം ഗൗരവതരവുമായ, ഏവർക്കും അനുകരിക്കാൻ യോഗ്യവുമായ ഒരു പ്രത്യേക കാര്യം പറയട്ടെ.


എൻ്റെ ഇംഗ്ലീഷ് വായനയിൽ പന്തികേടു കണ്ട ചേച്ചി ഒരിക്കൽ ഒരു ഇംഗ്ലീഷ് ബൈബിൾ  (പുതിയനിയമം) Gideons Bible എനിക്കു തന്നിട്ടു പറഞ്ഞു, "ഇംഗ്ലീഷ് ബൈബിളും മലയാളം ബൈബിളും എടുത്തുവെച്ചു ദിവസവും ഓരോ അദ്ധ്യായം വാക്യം വാക്യമായി മാറി മാറി വായിക്കാൻ പറഞ്ഞു, അതായത് ഒരു വാക്യം ഇംഗ്ലീഷിൽ നിന്നു വായിക്കുമ്പോൾ അതെ വാക്യം മലയാളത്തിലും വായിക്കുക.


സത്യത്തിൽ ഇതെൻറെ  ഇംഗ്ലീഷ് പഠനത്തിനൊരു വഴിത്തിരിവായി എന്നു പറഞ്ഞാൽ മതി.


നിരവധി വാക്കുകൾ ഹൃദിസ്ഥമാക്കാൻ ഈ രീതി എന്നെ സഹായിച്ചു.
ഇംഗ്ലീഷിൽ എഴുതുവാനും പറയുവാനും അതെനിക്കു ഗുണമായി എന്ന് നന്ദിയോടെ ഓർക്കുകയാണിപ്പോൾ.


ഇതിനിടയിൽ ഹൈസ്‌കൂൾ വിദ്യാഭ്യാസം പൂർത്തിയാക്കിയ ഞാൻ ഇന്റെർമീഡിയറ്റ് പഠനത്തിനായി എടത്വാ സെന്റ് അലോഷ്യസ് കോളേജിൽ പഠനം തുടങ്ങി.


അക്കാലത്താണ് ഡിസിഷൻ മാസികയിൽ Penpal എന്നൊരു പംക്തി ശ്രദ്ധയിൽപ്പെട്ടത്. അതിലെ ഒരു  വിലാസത്തിൽ അമേരിക്കയിലുള്ള ഒരു പെൺകുട്ടിക്ക് കത്തെഴുതി പോസ്റ്റ് ചെയ്‌തു അധികം വൈകിയില്ല ഏതാണ്ട് ഒരാഴ്ചക്കുള്ളിൽ മറുപടി വന്നു ഒപ്പം അവരുടെ ഒരു ഫോട്ടോയും.


അവരുടെ മറുപടി വായിക്കാൻ നന്നേ ബുദ്ധിമുട്ടി എന്നു  പറഞ്ഞാൽ മതി,  എങ്കിലും അതിനൊരു മറുപടി അറിയാവുന്ന ഇംഗ്ലീഷിൽ തരപ്പെടുത്തി അയച്ചു. വീണ്ടും മറുപടി വന്നു.


അതോടൊപ്പം ജർമ്മനി, ഇസ്രായേൽ തുടങ്ങിയ രാജ്യങ്ങളിലുള്ളവർക്കും കത്തെഴുതി, ഒപ്പം അവരുടെ ചിത്രങ്ങളും, വിശേഷ ദിവസങ്ങളായ പുതുവത്സര, ക്രിസ്‌മസ്‌ ദിനങ്ങളിൽ പ്രത്യേകതരം കാർഡുകളും സമ്മാനങ്ങളും തപാൽ വഴി എനിക്ക് ലഭിച്ചു തുടങ്ങി.


അത് കുറേക്കാലം തുടർന്ന്, വിദേശത്തേക്ക് കത്തയക്കുക എന്നത് അക്കാലത്തു ഒരു ചിലവേറിയ സംഗതിയായിരുന്നു, വേലയും കൂലിയും ഇല്ലാത്ത, പഠനം തുടരുന്ന എനിക്കതൊരു തടസ്സമായി.


അതൊരു ഒരു ഭാരിച്ച സംഗതിയായി മാറിയതിനാൽ ഒടുക്കം അതിനൊരു വിരാമം ഇടേണ്ടി വന്നു എന്ന് പറഞ്ഞാൽ മതിയല്ലോ.  ഇതൊന്നും എൻ്റെ വായനക്കും എഴുത്തിനും ഒരു തടസ്സമായിരുന്നില്ല.


കൂടുതൽ വായന സാമഗ്രികൾ ലഭിക്കാൻ എൻ്റെ സുഹൃത്തും അയൽവാസിയുമായ സുരേഷ് ഒരു കരുത്തായിരുന്നു എന്ന് ആദരവോടെ ഇന്നും ഓർത്തു പോവുകയാണ്.


സുരേഷിൻറെ പിതാവിന്റെ പുസ്തക ശാലയിൽ നിന്നും മേൽപ്പറഞ്ഞ മാസികകളും, ബലരമ, ബാലയുഗം, പൂമ്പാറ്റ തുടങ്ങിയ പുസ്തകങ്ങളും മറ്റു പ്രസിദ്ധീകരണങ്ങളും വായിക്കാനായി അവൻ കൊണ്ടുവന്നു തരുമായിരുന്നു.


അക്കാലത്തു തിരുവല്ല പട്ടണത്തിൽ കെ എസ് ആർ സി റ്റി ബസ് സ്റ്റോപ്പിനോട് തൊട്ടടുത്തുള്ള കെട്ടിടത്തിൽ ആയിരുന്നു "സതേൺ ബുക്ക് സ്റ്റാൾ" എന്ന തിരുവല്ലയിലെ അക്കാലത്തെ ഏക പുസ്തക ശാല നിലനിന്നിരുന്നത്.


എന്റെ വായനാ വിസ്‌തൃതിയിൽ സുരേഷ് ഒരു നല്ല കണ്ണിയായിരുന്നു എന്ന് ഓർത്തുപോവുകയാണിപ്പോൾ.  എൻ്റെ വായനയുടേയും ഏഴുത്തിന്റെയും കാര്യങ്ങൾ പറയുമ്പോൾ ഇക്കാര്യം പറയാതെ വയ്യ.


ഈ സുഹൃദ് ബന്ധത്തിൽ നിരവധി പുതിയ പ്രസിദ്ധീകരണങ്ങൾ പരിചയപ്പെടാൻ എനിക്കിടയായി.  അങ്ങനെയാണ് Target എന്ന ഇംഗ്ലീഷ് പ്രസിദ്ധീകരണം അവൻ തന്നതും അതിലെ Penpal എന്ന പംക്തിയിൽ കണ്ട ചില വിലാസങ്ങളിൽ കത്തുകൾ എഴുതാൻ പ്രേരണയായതും.


അതിലൂടെ നിരവധി ഇന്ത്യൻ സുഹൃത്തുക്കളുമായി കത്തിടപാടുകൾ നടത്താൻ എനിക്കു സാധിച്ചു. അവയിൽ മിക്കതും ഒരു നിധിപോലെ ഇന്നും ഫയലിൽ സൂക്ഷിച്ചിട്ടുണ്ട്.


അന്നു കത്തിലൂടെ സുഹൃദ്ബന്ധം പുർലർത്തിയിരുന്ന വൈപ്പിൻ സ്വദേശിയായ ഒരു മിത്രത്തെ അടുത്തിടെ ഫേസ്ബുക്കിലൂടെ വീണ്ടും പരിചയപ്പെടാൻ ഇടയായത് തികച്ചും ആശ്‌ചര്യമായി തോന്നി.


അവർ ഇന്ന് ഭർത്താവിനോടും രണ്ടു ആണ്മക്കളോടും കുടുംബത്തോടും കൊച്ചുമക്കളോടുമൊപ്പം എറണാകുളത്തു താമസിക്കുന്നു.


സത്യത്തിൽ ഏരിയൽ എന്ന എൻ്റെ തൂലികാനാമമാണ് ഇതിനൊക്കെയും വഴിവെച്ചതെന്നു പറഞ്ഞാൽ മതിയല്ലോ.


ആ പേർ അടുത്തിടെ ഫേസ്ബുക്കിൽ കണ്ടപ്പോൾ അവർ ഫോണിലൂടെ ബന്ധപ്പെട്ടു കൂടുതൽ വിവരങ്ങൾ അറിയിച്ചു.

  ഏരിയൽ എന്ന രസകരമായ തൂലികാനാമം എനിക്കെങ്ങനെ ലഭിച്ചു എന്നത് ഒരു കുറിപ്പായി അന്യത്ര ഈ വെബ്‌സൈറ്റിൽ ചേർത്തിരിക്കുന്നത് മുകളിൽ കൊടുത്തിരിക്കുന്ന ലിങ്കിൽ അമർത്തി വായിക്കുക.



പോസ്റ്റൽ ഡിപ്പാർട്മെന്റിന്റെ സഹായത്തോടെ കത്തുകൾ എഴുതിക്കൊണ്ടിരുന്ന നാമിന്നു ഇന്റർനെറ്റിന്റെ മാസ്മരിക വലയത്തിലകപ്പെട്ടു കത്തെഴുത്തിനെ പാടെ മറന്നു കഴിയുന്ന ഈ കാലത്തു അതിന്റെ ഓർമ്മകളെ തൊട്ടുണർത്തിയ ദിവ്യക്കും സുധിക്കും പ്രത്യേക അഭിനന്ദനങ്ങൾ.


അതെ നമുക്കൊരു കത്തെഴുതാം! എന്ന ആഹ്വാനം നടത്തിയ ദിവ്യക്കു പ്രത്യേക അഭിനന്ദനം. Yes, let us write a letter.


അതെ, നമുക്കൊരു കത്തെഴുതാം! കത്തുകൾ പോരട്ടെ!  ഓർമ്മകൾ
അയവിറക്കാം!


ഏവർക്കും ആശംസകൾ!


ഫിലിപ്പ് വറുഗീസ് ഏരിയൽ
സിക്കന്തരാബാദ്

Originally published on the pages of  Philipscom


പ്രിയ വായനക്കാരേ, നിങ്ങളുടെ ശ്രദ്ധ ദയവായി ക്ഷണിക്കുന്നു !

നിങ്ങളുടെ വിലയേറിയ സമയത്തിന് വളരെയധികം നന്ദി ആദ്യമേ അറിയിക്കുന്നു..
നിങ്ങളുടെ ഫീഡ്‌ബാക്കിനെ / അഭിപ്രായങ്ങളെ / കമെന്റുകളെ  ഞാൻ അഭിനന്ദിക്കുകയും സ്നേഹിക്കുകയും ചെയ്യുന്നു!
എന്റെ വായനക്കാരിൽ നിന്നുള്ള ഫീഡ്‌ബാക്ക് ഞാൻ സ്വീകരിക്കുന്നു, ഒപ്പം ഞാൻ  അതിനു മറുപടി നൽകുകയും അവരുടെ ബ്ലോഗുകൾ സന്ദർശിക്കാൻ പരമാവധി ശ്രമിക്കുകയും ചെയ്യുന്നു.
നിങ്ങളുടെ ഫീഡ്‌ബാക്ക് അനുകൂലമോ, പ്രതികൂലമോ ആയവ അതെന്തായാലും  ഞാൻ നിങ്ങളിൽ നിന്ന് കേൾക്കാൻ ആഗ്രഹിക്കുന്നു.
എന്നാൽ ഇക്കാര്യത്തിൽ ഒരു ചെറിയ നിയന്ത്രണവും, നിബദ്ധനയുമുണ്ട്.
നിങ്ങൾ ഒരു അഭിപ്രായം കുറയ്ക്കുന്നതിന് മുമ്പ് ദയവായി ഞങ്ങളുടെ അഭിപ്രായ നയം വായിക്കുക ,
അല്ലാത്തപക്ഷം, നിങ്ങൾക്ക് നിങ്ങളുടെ കമെന്റുകൾ  നഷ്‌ടപ്പെടാം കൂടാതെ നിങ്ങളുടെ അഭിപ്രായങ്ങൾക്ക് അംഗീകാരം ലഭിക്കാതിരിക്കാനും സാധ്യത ഏറെ!
അതിനാൽ ഫിലിപ്സ്കോമിന്റെ അഭിപ്രായ നയം പാലിച്ച് നിങ്ങളുടെ അഭിപ്രായങ്ങൾ അഭിപ്രായ ബോക്സിൽ പങ്കിടുക.
താഴെ കൊടുക്കുന്ന വാക്കുകൾ ദയവായി ശ്രദ്ധിക്കുക, പാലിക്കുക!

ഇത്തരം കമന്റുകൾക്ക് ഇവിടെ സ്ഥാനമില്ല!

  1. ഒരു വാക്ക് അല്ലെങ്കിൽ ഒരു വരി കമൻറുകൾ ,
  2. അധിക്ഷേപകരമോ, ഭയപ്പെടുത്തുന്നതോ, ഭീഷണിപ്പെടുത്തുന്നതോ, പ്രകോപനപരമോ ആയ കമൻറുകൾ ,
  3. കുറ്റകരമായ പൊതുവൽക്കരണങ്ങൾ നടത്തുന്നവ. 
  4. ഒരു പോയിന്റുമില്ലാതെ എഴുതുന്നവ.
  5. നിന്ദ്യമായ അല്ലെങ്കിൽ സെൻസിറ്റീവ് ഭാഷ ഉപയോഗിച്ചുള്ളവ.
  6. വലിയ അക്ഷരങ്ങളിൽ മാത്രം ടൈപ്പുചെയ്തുള്ളവ.
  7. ഇംഗ്ലീഷിലും, മലയാളത്തിലും, ഹിന്ദിയിലും, തെലുങ്കിലും കമൻറ് എഴുതാം.
  8. വിഷയവുമായി യാതൊരു ബന്ധവുമില്ലാത്ത അപ്രസക്തങ്ങളായവ. 
  9. തങ്ങളുടെ ബ്ലോഗ് ലിങ്കുകൾ  പ്രചരിപ്പിക്കാനായി ശ്രമിക്കുന്ന തരം കമന്റുകൾ. അതായത് തങ്ങളുടെ കമന്റു ലിങ്ക് വീശുവാനായി ഈ ഇടം ലഭ്യമല്ല.
  10. ഫിലിപ്സ്കോമിന് അനാവശ്യമായ ഉപദേശം നൽകുന്നതരം കമന്റുകൾ. 
നിങ്ങളുടെ കമന്റുകൾ, അഭിപ്രായങ്ങൾ എഡിറ്റു ചെയ്യാനും ഞങ്ങളുടെ അഭിപ്രായ നയവുമായി പൊരുത്തപ്പെടാത്ത കാര്യങ്ങൾ നീക്കംചെയ്യാനും ഉള്ള അവകാശം ഫിലിപ്സ്കോം എഡിറ്റർമാരിൽ  നിക്ഷിപ്തമാണ്. സമയം അനുവദിക്കുകയാണെങ്കിൽ ബ്ലോഗ് അഭിപ്രായങ്ങളുമായി ബന്ധപ്പെട്ട ഈ പോസ്റ്റ് സന്ദർശിക്കുക. നന്ദി, നമസ്‌കാരം. For Philipscom Associates [caption id="attachment_8334" align="alignnone" width="198"] ഫിലിപ്പ് വർഗീസ് ഏരിയൽ[/caption]
വിജയകരമായ ഒരു ബ്ലോഗ് തുടങ്ങുന്നതിനുള്ള 3 സുപ്രധാന ഘടകങ്ങൾ

വിജയകരമായ ഒരു ബ്ലോഗ് തുടങ്ങുന്നതിനുള്ള 3 സുപ്രധാന ഘടകങ്ങൾ

4 comments


മലയാളം ബ്ലോഗുലകം ഒരു മന്ദതയിലേക്കു നീങ്ങിക്കൊണ്ടിരുന്ന ഒരു കാലഘട്ടം.

ആ മന്ദതക്കൊരു ശമനം അല്ലെങ്കിൽ ഒരു പൂർണ്ണ വിരാമമിടുവാൻ  മലയാളം ബ്ലോഗുലകത്തിലെ നിരവധി അഭ്യുദയകാംഷികൾ  ഇതിനകം ശ്രമിച്ചു അതിൻ്റെ ഫലം അവിടവിടെ കണ്ടുതുടങ്ങിയെങ്കിലും,  സോഷ്യൽ മീഡിയയുടെ അതിപ്രസരം അത്തരം സംരഭങ്ങൾക്കു ഇനിയും ഒരു തടസ്സമായി നിൽക്കുന്നു എന്നത് ഒരു വസ്‌തുത തന്നെ.

പക്ഷെ, സോഷ്യൽ മീഡിയ നമുക്ക് ഒഴിച്ചുകൂടാൻ കഴിയാത്ത ഒരു മണ്ഡലം തന്നെ വിശേഷിച്ചും ബ്ലോഗ് എഴുത്തുകാർക്ക്.

കാരണം നാം എഴുതുന്നവ മറ്റുള്ളവരിലേക്ക് എത്തിക്കാൻ ഇത്രയും സുഗമമായ ഒരു മാധ്യമം ഇല്ലതന്നെ.

പക്ഷെ ഇവിടെ നാം ഒരു സമയബന്ധിത നിയമം പാലിച്ചില്ലെങ്കിൽ നാം ഉദ്ദേശിക്കുന്ന പലതും നമുക്കു ലഭിച്ചിരിക്കുന്ന ഇരുപത്തിനാലു മണിക്കൂർ കൊണ്ട് ചെയ്തു തീർക്കുവാൻ കഴിയാതെ വരും എന്നതിൽ തർക്കമില്ല.

സോഷ്യൽ മീഡിയകളിൽ നാം ചിലവഴിക്കുന്നതിൻറെ ഒരംശം മതി നമ്മുടെ ബ്ലോഗ് സജീവമാക്കാനും.

എന്തായാലും, നാം ചെയ്‌തു  തീർക്കേണ്ടവ ഒരു മുൻഗണനാ ക്രമത്തിൽ ക്രമീകരിച്ചു ചെയ്യുന്നെങ്കിൽ നമുക്ക് എന്തിനും ഏതിനും സമയം കണ്ടെത്താൻ കഴിയും.

ഇതിനോട്  വിയോജിപ്പുള്ളവർക്കു വിയോജിക്കാനും ഒപ്പം യോജിക്കാനും ഇവിടെ ബ്ലോഗിനു താഴെ കമൻറ് പെട്ടി തുറന്നിട്ടുണ്ട്.

ഒരുകാലത്തു ആ പെട്ടിയിൽ കുറിപ്പിടാൻ ചില സാങ്കേതിക തടസ്സങ്ങൾ ഉണ്ടെന്നു പലരും അറിയിച്ച പ്രകാരം ചില മാറ്റങ്ങൾ വരുത്തി ഇതിപ്പോൾ തുറന്നിട്ടിരിക്കുന്നു.  നിങ്ങളുടെ പ്രതികരണങ്ങൾ അവിടെയിടാൻ മറക്കേണ്ട കേട്ടോ!

വേണമെങ്കിൽ ഒരു ചർച്ചയുമാകാം! :-)

ഈ കുറിപ്പ് എഴുതിക്കൊണ്ടിരിക്കുമ്പോഴാണ് അഞ്ചു വർഷം മുമ്പ് മലയാളം ബ്ലോഗുലകത്തിൽ സജീവമായി നിന്ന ഒരു ബ്ലോഗറെ ഓർമ്മപ്പെടുത്തി ഫേസ്ബുക്കിൽ നിന്നും  എനിക്ക് കിട്ടിയ അറിയിപ്പ്,

മലയാളം ബ്ലോഗുലകത്തിൽ ഏവർക്കും സുപരിചിതനും പ്രിയങ്കരനുമായ  "ഞാൻ പുണ്യാളൻ" എന്ന പേരിൽ ബ്ലോഗെഴുത്തു നടത്തിയ മധു എന്ന യുവാവിൻറെ വേർപാടിൽ ഞാൻ കുറിച്ച ഒരു അനുസ്മരണകുറിപ്പിന്റെ ഫേസ്ബുക്കിൻറെ ഓർമ്മപ്പെടുത്തലായിരുന്നത്.

യൗവ്വനത്തിലെ പൊലിഞ്ഞുപോയ ആ തിരിനാളം നിരവധി ഓർമ്മകൾ അവശേഷിപ്പിച്ചാണ് കണ്ടന്നു പോയത്,  ബ്ലോഗെഴുത്തിനെക്കുറിച്ചും, ബ്ലോഗ് കമന്റിനെപ്പറ്റി കുറിക്കുമ്പോഴും  പുണ്യാളൻ ഓർമ്മയിൽ ഓടിയെത്തും.  സന്ദർഭവശാൽ ഇത്രയും കുറിച്ചുയെന്നുമാത്രം.

ഇവിടെ മറ്റൊരു വിഷയം കുറിക്കാനെത്തിയതാണ്, എന്നാൽ ഇന്ന് നമ്മുടെ പുതിയ അഗ്രഗേറ്ററിനെപ്പറ്റി ഒരു ചെറുകുറിപ്പു ചേർത്തിരുന്നു,

അതോടൊപ്പം, അഗ്രഗേറ്ററിൽ എങ്ങനെ ഒരു പുതിയ ബ്ലോഗ് തുടങ്ങാംഎന്ന കുറിപ്പും വായിച്ചു.  പുതുതായി ബ്ലോഗ് ആരംഭിക്കുന്നവർക്കു അതൊരു നല്ല ഗൈഡ് തന്നെ.

മലയാളം ബ്ലോഗിൽ ഒരു മന്ദത നേരിട്ടു എന്നത് ഒരു സത്യമായി തന്നെ നിലനിൽക്കുമ്പോഴും, മറ്റൊരു സത്യം പറയാതെ വയ്യ!

ദിനം തോറും ബ്ലോഗ് എഴുത്തുകാരുടെ എണ്ണം വർധിച്ചു വരുന്നുയെന്നാണ് കണക്കുകൾ പറയുന്നത്.

2019  ൽ തന്നെ ഏതാണ്ട് രണ്ടു കോടിയാളം ബ്ലോഗുകൾ പ്രസിദ്ധീകൃതമായി എന്നുള്ള റിപോർട്ടുകൾ പുറത്തു വരുന്നു.

എന്തായാലും നേരിയ മാന്ദ്യം മലയാളം ബ്ലോഗെഴുത്തിൽ ഉണ്ടായെങ്കിലും ബ്ലോഗുകൾ ഇന്നും സജീവം എന്നാണ് ഈ കണക്കുകൾ പറയുന്നത്.


ബന്ധപ്പെട്ട ഈ കുറിപ്പു കൂടി ചേർത്തു വായിക്കുക 

നമുക്ക് ബ്ലോഗ്‌ എഴുത്തിലേക്കു മടങ്ങാം അല്ലെ! LET US GO BACK TO THE BLOGGING!



ബ്ലോഗ് എഴുത്തിലൂടെ ധനസമ്പാദനം നടത്തുന്ന നിരവധിപേർ ഉണ്ടെന്നുള്ളത് വളരെ സത്യം തന്നെ, കൂടുതലും ഇത് ഇംഗ്ലീഷ് ബ്ലോഗ് രചനയിലൂടെയാണതു  നടക്കുന്നത്.  ഗൂഗിൾ ആഡ്‌സെൻസ് അംഗീകരിച്ചിട്ടുള്ള  മറ്റു പല ഭാഷകളിലും ഉള്ള ബ്ലോഗുകളിലും അത് സാധ്യമാകുന്നുണ്ട്.

അത്തരത്തിൽ ബ്ലോഗെയെഴുത്തിലൂടെ പ്രസിദ്ധനായ ഒരാളെ പരിചയപ്പെടുത്താനും അദ്ദേഹം എന്റെ ഇംഗ്ലീഷ് ബ്ലോഗിൽ കുറിച്ച ഒരു ഗസ്റ്റ് പോസ്റ്റിൻറെ ഒരു ഏകദേശ രൂപം മലയാളം ബ്ലോഗ് വായനക്കാർക്കു, പ്രത്യേകിച്ചും പുതുതായി ഈ മേഖലയിലേക്ക് കടന്നുവരുവാൻ ആഗ്രഹിക്കുന്നവർക്ക് അത് സഹായയമാവുകയും ചെയ്യുമെന്നു ഞാൻ വിശ്വസിക്കുന്നു.

ബ്ലോഗുലകത്തിൽ വിശേഷിച്ചും ഇംഗ്ലീഷ് ബ്ലോഗ് എഴുത്തിൽ പ്രശസ്തനായ 
പ്രൊഫഷണൽ ബ്ലോഗറും   ഇന്റർനെറ്റ് വിപണനക്കാരനുമായ  എറിക് ഇമാനുവെല്ലിനെ  ഫിലിപ്സ്കോം മലയാളം വായനക്കാർക്ക് പരിചയപ്പെടുത്തുന്നതിൽ ഞാൻ സന്തുഷ്ടനാണ്.

നോ പാസ്സീവ്  ഡോട്ട് കോം (no passive dot com) എന്ന പേരിലുള്ള ഇദ്ദേഹത്തിന്റെ  പ്രധാന ബ്ലോഗ് വളരെ പ്രശസ്‌തമാണ്.

ബ്ലോഗ്, ഇന്റർനെറ്റ്, S E O, സോഷ്യൽ മീഡിയ  തുടങ്ങി നിരവധി വിഷയങ്ങൾ കേന്ദ്രീകരിച്ചുള്ള ലേഖനങ്ങൾ അതിൽ പ്രസിദ്ധീകരിച്ചിട്ടുണ്ട്.

ഇദ്ദേഹം  അറിയപ്പെടുന്ന ഒരു ബ്ലോഗറും, ഇന്റർനെറ്റ് സംരംഭകനും,  ഇന്റർനെറ്റ് മാർക്കറ്ററുമാണ്.

ഈ പോസ്റ്റിന്റെ ചുവടെ നൽകിയിരിക്കുന്ന കുറിപ്പിൽ ഈ
എഴുത്തുകാരനെക്കുറിച്ച് നിങ്ങൾക്ക് കൂടുതൽ വായിക്കാം.

സ്വന്തമായി വിജയകരമായി, ലാഭകരമായ ഒരു ബ്ലോഗ് ഉണ്ടാക്കുക എന്നത് ഏതൊരു ബ്ലോഗറുടെയും ഒരു സ്വപ്‌നമാണ്.

അത്തരം ഒരു ബ്ലോഗ് ആരംഭിക്കാൻ ആഗ്രഹിക്കുന്ന എല്ലാവരും തീർച്ചയായും വായിച്ചിരിക്കേണ്ട ഒന്നാണ് ഈ കുറിപ്പ്.

ഇപ്പോൾ  നിരവധിപ്പേർ സ്വന്തം ബ്ലോഗുകൾ ആരംഭിക്കുന്നുണ്ടെങ്കിലും സങ്കടകരമെന്നു പറയട്ടെ, അവരിൽ ഭൂരിഭാഗവും പ്രാരംഭ ഘട്ടത്തിൽ തന്നെ ദയനീയമായി പരാജയപ്പെടുന്നതായി കാണുന്നു.

വളരെ ഉത്സാഹത്തോടെ അതാരംഭിക്കുന്നു എന്നാൽ എവിടെയോ ഒടുവിൽ അത് പരാജയത്തിൽ കലാശിക്കുന്നു.  നിരവധി തുടക്കക്കാർക്ക് സംഭവിക്കുന്ന ഒന്നു തന്നേ ഇത്.

എന്താണിതിനു കാരണം!

ന്യായമായും ഉയരാവുന്ന ഒരു ചോദ്യം.


ഈ പരാജയത്തിന് വിവിധ കാരണങ്ങളുണ്ട്,  എന്നാൽ  ഈ പോസ്റ്റിൽ, എറിക് മൂന്ന് സുപ്രധാന സൂചനകൾ അതോടുള്ള ബന്ധത്തിൽ നൽകുന്നു.

വിജയകരമായ ഒരു ബ്ലോഗ് തുടങ്ങുന്നതിനുള്ള സുപ്രധാന ഘടകങ്ങൾ ഇതിലൂടെ വിവരിക്കുന്നു.

ബ്ലോഗ്  തുടക്കക്കാർക്ക് ഇത് വളരെ പ്രയോജനം ചെയ്യും എന്നതിൽ രണ്ടു പക്ഷം ഇല്ല!

വായിക്കുക, മനസ്സിലാക്കുക, പ്രതികരിക്കുക.


ഫിലിപ്‌സ്‌കോമിൻറെ  ക്ഷണം സ്വീകരിച്ചതിന് നന്ദി, എറിക്.

നിങ്ങളെയും നിങ്ങളുടെ ബ്ലോഗിനെയും എൻ്റെ വായനക്കാർക്കു
പരിചയപ്പെടുത്തുന്നതിൽ വളരെ സന്തോഷമുണ്ട്, ഒപ്പം അതൊരു വലിയ  പദവിയായും ഞാൻ കരുതുന്നു.

ഫിലിപ്സ്കോം അസോസിയേറ്റിനു വേണ്ടി 
എന്റെ ഒപ്പ് 1
ഫിലിപ്പ് വർഗ്ഗീസ് ഏരിയൽ

വിജയകരമായ ഒരു ബ്ലോഗ് ആരംഭിക്കുന്നതിന് എറിക് നൽകുന്ന ഈ ടിപ്പുകൾ പിന്തുടരുക!

അങ്ങനെ നിരവധി പിന്മാറ്റത്തിനും, മടിപിടിച്ച മനസ്സിനും, ചിന്തകൾക്കും  ശേഷം ഒടുവിൽ നിങ്ങൾ ഒരു  ബ്ലോഗ് സൃഷ്ടിക്കാൻ തന്നെ തീരുമാനിച്ചു.

വളരെ നല്ല കാര്യം!

അഭിനന്ദനങ്ങൾ!

ബ്ലോഗർമാരുടെ അത്ഭുതകരമായ മായ ലോകത്തിലേക്ക് സ്വാഗതം!

ആദ്യം പടി, ഒന്നു റിലാക്‌സ് ആകുക, നല്ലവണ്ണം ഒന്നു ശ്വസിക്കുക, ഇരിക്കുക, ശ്രദ്ധ കേന്ദ്രീകരിക്കുക:

നേരേ കീബോർഡിലേക്കു പോയി ബ്ലോഗെഴുതാനുള്ള സമയം ഇനിയും ആയിട്ടില്ല!

ഈ ലേഖനത്തിൽ, നിങ്ങളെപ്പോലെയും എന്നെപ്പോലെയും വലിയൊരു ഓൺ‌ലൈൻ യാത്ര ആരംഭിക്കാൻ തീരുമാനിച്ചവർക്കായി ഞങ്ങൾ വളരെ പ്രധാനപ്പെട്ട മൂന്ന് ടിപ്പുകൾ  ഉൾക്കൊള്ളിക്കുന്നു.
[bctt tweet = "വിജയകരമായ ഒരു ബ്ലോഗ് ആരംഭിക്കുന്നതിനുള്ള എറിക്കിന്റെ 3 അവശ്യ ഘട്ടങ്ങൾ, @philipscom @ pvariel" ഉപയോക്തൃനാമം = ""]

1. വിജയകരമായ ഒരു ബ്ലോഗ് - ഒറ്റ വാക്യത്തിൽ നിങ്ങളുടെ ലക്ഷ്യം അറിയിക്കുക 

നിങ്ങളുടെ ബ്ലോഗിനോ വെബ്‌സൈറ്റിനോ ഒരു ലക്ഷ്യം ഉണ്ടായിരിക്കണം:

ഒന്ന്, ലളിതവും വ്യക്തവും ഒപ്പം വളരെ എളുപ്പത്തിൽ പ്രവേശിക്കുവാൻ കഴിയുന്നതും  ആയിരിക്കണം അത്.

നിങ്ങളുടെ ബ്ലോഗിലൂടെ,  ഒരു ഉൽപ്പന്നമോ സേവനമോ  അത് നിങ്ങളുടേതോ, മറ്റുള്ളവരുടേതോ വിറ്റഴിക്കാൻ  കഴിയുന്നു.യെങ്കിൽ ഏറെ ഉത്തമം.

നിങ്ങളുടെ ബ്ലോഗ് ലക്ഷ്യം അത് എന്തുതന്നെയായാലും,  ഒരു വാക്യത്തിൽ സംഗ്രഹിച്ചു മറ്റുള്ളവരിലേക്ക് എത്തിക്കാൻ കഴിയണം.

ഈ വാക്യത്തെ unique value proposition അഥവാ " അദ്വിതീയ മൂല്യ നിർദ്ദേശം " എന്ന് വിളിക്കുന്നു.

നിങ്ങളുടെ വെബ്‌സൈറ്റിന്റെ വിഷയം ചുരുങ്ങിയ നിമിഷങ്ങൾക്കുള്ളിൽ വായനക്കാർ മനസ്സിലാക്കേണ്ടതുണ്ടെന്ന സത്യം  നിങ്ങൾ മനസ്സിലാ ക്കേണ്ടതുണ്ട്.


സൈറ്റ് ടാഗ്‌ലൈൻ   എന്നറിയപ്പെടുന്ന  നിങ്ങളുടെ മുദ്രാവാക്യമായി  അദ്വിതീയ മൂല്യ നിർദ്ദേശം നിർവചിക്കാൻ കഴിയും.

ഒരാൾ Google ഉപയോഗിച്ച് നിങ്ങളുടെ ബ്ലോഗ് തിരയുമ്പോൾ നിങ്ങളുടെ പ്രേക്ഷകർ കാണുന്നതും ഇതാണ്.

ഇത്തരത്തിൽ ഫലപ്രദമായി  പ്രവർത്തിക്കുന്ന ചില ഉദാഹരണങ്ങൾ ഇതാ ഇവിടെ ചിത്രങ്ങൾ സഹിതം താഴെ കൊടുക്കുന്നു.

പേപാൾ (PayPal) : "പണം അയയ്‌ക്കുക, അഥവാ ഓൺലൈനിൽ പണമടയ്‌ക്കുക അല്ലെങ്കിൽ ഒരു വ്യാപാര അക്കൗണ്ട് സജ്ജമാക്കുക തുടങ്ങിയ കാര്യങ്ങൾ ഇതിലൂടെ ചെയ്യുക വളരെ ലളിതമാണ്,

ശരിയല്ലേ? പേപാളിനെക്കുറിച്ച് പരിചയമില്ലാത്തവർ പോലും, സൈറ്റിലെ സവിശേഷതകൾ എന്താണെന്ന് വേഗത്തിൽ ഒറ്റ നോട്ടത്തിൽ
മനസ്സിലാക്കുവാൻ കഴിയുന്നവിധം ആ സൈറ്റ് ക്രമപ്പെടുത്തിയിരിക്കുന്നു.

പേപാൽ-വരുമാനം
സ്പോട്ടിഫയ്  Spotify:  "സംഗീതം എല്ലാവർക്കും"
ഫലപ്രദവും ആകർഷകവുമായ ഒരു വാചകം, അതിൽ കൊത്തിവച്ചിരിക്കുകയും സേവനത്തിലേക്ക് പ്രവേശിക്കാൻ ഉപയോക്താവിനെ ക്ഷണിക്കുകയും ചെയ്യുന്നു.

ആരാണ് സംഗീതം ഇഷ്ടപ്പെടാത്തത്?

spotify-com-news


എവെർനോട്ട്  (Evernote):  "നിങ്ങളുടെ മനസ്സിലുള്ളത് പകർത്തുക"

ആകർഷകമായ വാക്യത്തിന്റെ മറ്റൊരു മികച്ച ഉദാഹരണം.

എന്താണ് Evernote?

നിങ്ങളുടെ ജോലിയും ജീവിതവും ഓർഗനൈസുചെയ്യാൻ സഹായിക്കുന്ന ഒരു സേവനം അതത്രെ എവെർനോട്ട് 


എന്തും രേഖപ്പെടുത്തി സുരക്ഷിതമായ സ്ഥലത്ത് സൂക്ഷിക്കുക, പിന്നീട് എവിടെനിന്നും എപ്പോൾ വേണമെങ്കിലും ഉപയോഗിക്കാം. ഇത് ചെയ്യുന്നതിന് Evernote നിങ്ങളെ സഹായിക്കുന്നു.

അതിനാൽ, നിങ്ങൾ മനസിലാക്കിയതുപോലെ, നിങ്ങളുടെ ബ്ലോഗിലോ സൈറ്റിലോ ഉപയോക്താക്കൾ കണ്ടെത്തുന്നതിന്റെ വാഗ്ദാനമാണ് അദ്വിതീയ മൂല്യ നിർദ്ദേശം.

യഥാർത്ഥവും സത്യസന്ധവുമായ ഒരു വാചകം എഴുതുക, കാരണം നിങ്ങൾക്ക് ഒരു വിജയകരമായ ബ്ലോഗ് സൃഷ്ടിക്കാനും  വെബിൽ വിശ്വാസ്യത നേടാനും ആഗ്രഹമുണ്ടെങ്കിൽ ഈ വാഗ്ദാനം പാലിക്കേണ്ടതുണ്ട്  .
evernote2

2.  വിജയകരമായ ഒരു ബ്ലോഗ് -  ശരിയായ ഡൊമെയ്ൻ നാമം തിരഞ്ഞെടുക്കുക

നിങ്ങൾ ആദ്യ ലക്ഷ്യം കണ്ടെത്തിക്കഴിഞ്ഞാൽ, അടുത്ത ഘട്ടം ഡൊമെയ്ൻ നാമം തിരഞ്ഞെടുക്കുക എന്നതാണ് (ഉദാഹരണത്തിന് ഫിലിപ്പിന്റെ ബ്ലോഗ് ഡൊമൈൻ നോക്കുക - PVARIEL COM 

വിജയകരമായ ഒരു ബ്ലോഗ് സൃഷ്ടിക്കുന്നതിന്റെ ആദ്യ കടമ്പ  ഇതു തിരഞ്ഞെടുക്കുന്നതിലൂടെ കടന്നുപോകുന്നു, കാരണം നിങ്ങളുടെ വെബ് പ്രോജക്റ്റിന്റെ വിജയത്തിന് ഡൊമെയ്ൻ നാമം നിർണ്ണായകമാണ്.

നിങ്ങളുടെ ഡൊമെയ്ൻ നാമം തിരഞ്ഞെടുക്കുന്നതിന് മുമ്പ് നിങ്ങൾ സ്വയം ചോദിക്കേണ്ട മറ്റു രണ്ട് ചോദ്യങ്ങളുണ്ട്:
  • ഇത് നിങ്ങളുടെ ബിസിനസ്സിന് പ്രസക്തമാണോ?
  • തുടർന്നുള്ള വിപുലീകരണം ഏതായിരിക്കണം?
ഇന്റർനെറ്റ് ബ്രൗസർ

നിങ്ങൾ വ്യക്തിഗത ബ്രാൻഡിംഗ്, അല്ലെങ്കിൽ നിങ്ങളുടെ ബ്ലോഗിലൂടെ നിങ്ങളുടെ സേവനങ്ങളുടെ പ്രമോഷൻ ലക്ഷ്യമിടുകയാണെങ്കിൽ - നിങ്ങളുടെ മുഴുവൻ പേരും ചേർത്തുള്ള ഒരു ഡൊമൈൻ തീരുമാനിക്കുക.

ഇത് നിങ്ങളുടെ പേര് ചേർത്തുള്ള ഒന്ന് ഇതിനകം വാങ്ങിയതാകാം, തുടർന്ന് നിങ്ങൾക്ക് ക്ലാസിക് (.net, .org, .biz പോലുള്ളവ) ൽ നിന്ന് വ്യത്യസ്തമായ ഒരു വിപുലീകരണം തിരഞ്ഞെടുക്കാൻ ശ്രമിക്കാം.

മറ്റെല്ലാ കേസുകളിലും, ഒരു പൊതുനിയമമില്ല, ഇത് വ്യക്തിപരമായ അഭിരുചിയെ ആശ്രയിച്ചിരിക്കുന്നു.

നിങ്ങളുടെ സൈറ്റിന്റെയോ ബ്ലോഗിന്റെയോ ഡൊമെയ്ൻ നാമം തിരഞ്ഞെടുക്കാൻ നിങ്ങൾ പരിഗണിക്കേണ്ട മാർഗ്ഗനിർദ്ദേശങ്ങൾ മനസിലാക്കുന്നതിനുള്ള ചില ഉദാഹരണങ്ങൾ ഇതാ.

www.coca-cola.com
ഡൊമെയ്ൻ നാമം ബ്രാൻഡിന്റെ പേരുമായി യോജിക്കുന്നു, തെറ്റിദ്ധാരണയില്ല.

www.howtoplayguitar.com
ഡൊമെയ്ൻ നാമത്തിൽ ഒരു നീണ്ട കീവേഡ് (Long tail keyword) ഉൾപ്പെടുന്നു.

മറ്റൊരു വിധത്തിൽ പറഞ്ഞാൽ, ഇത് വെബ്‌സൈറ്റ് എന്തിനെക്കുറിച്ചാണെന്ന് ആർക്കും  എളുപ്പത്തിൽ മനസിലാക്കാൻ കഴിയും.

www.zappos.com
കമ്പനി എന്തിനെക്കുറിച്ചോ വിഷയത്തെക്കുറിച്ചോ വ്യക്തമല്ല, പക്ഷേ പേര് മനസ്സിൽ നിലനിൽക്കുന്നു, സംശയമില്ല.

വിജയകരമായ ഒരു ബ്ലോഗ് സൃഷ്ടിക്കുന്നതിനുള്ള ഏറ്റവും മികച്ച സമീപനമെന്താണെന്ന് നിങ്ങൾ കരുതുന്നു?

എനിക്ക് നിങ്ങൾക്ക് നൽകാൻ കഴിയുന്ന ഏറ്റവും ലളിതവും പ്രധാനപ്പെട്ടതുമായ ഉപദേശം ഇതാണ്:

എഴുതാൻ എളുപ്പമുള്ളതും എല്ലാറ്റിനുമുപരിയായി വേഗത്തിൽ ഓർമ്മിക്കുവാൻ കഴിയുന്നതും ആയ ഒരു ഡൊമെയ്ൻ നാമം തിരഞ്ഞെടുക്കുക 

3.  വിജയകരമായ ഒരു ബ്ലോഗ് എന്നാൽ ഒരു നിർദ്ദിഷ്ട വിഷയത്തിൽ ശ്രദ്ധ കേന്ദ്രീകരിക്കുക.

maxresdefault-youtube-com

വിജയകരമായ ഒരു ബ്ലോഗ് സൃഷ്ടിക്കുന്നതിനും പ്രവർത്തന ക്ഷേമമായി തുടരുന്നതിനും അത്യാവശ്യം വേണ്ട ഒന്നത്രേ ഒരു വിഷയത്തെ കേന്ദ്രീകരിച്ചുള്ള ഒരു ബ്ലോഗ് എന്നത്.

ഉദാഹരണത്തിന്, നിങ്ങൾക്ക് ഒരു പാചക ബ്ലോഗ് സൃഷ്ടിക്കാൻ കഴിയും, പക്ഷേ നിങ്ങൾ അവിടെ മധുരപലഹാരങ്ങളെക്കുറിച്ച് സംസാരിക്കുകയാണെങ്കിൽ അത് കൂടുതൽ ഫലപ്രദമാകും.

അല്ലെങ്കിൽ, നിങ്ങൾക്ക് ഒരു ടെക്നോളജി ബ്ലോഗ് സൃഷ്ടിക്കുന്നു എന്നിരിക്കട്ടെ.  അവിടെ നിങ്ങൾ സ്മാർട്ട് ഫോണുകൾ എന്ന വിഷയം എടുക്കുന്നു എന്ന് കരുതുക, അവിടെ  നിങ്ങൾക്ക് സ്മാർട്ട്‌ ഫോണുകളെക്കുറിച്ച് മാത്രം വിജയകരമായി സംസാരിക്കാനുള്ള സാധ്യത വർദ്ധിപ്പിക്കാനും അത് വഴി അത് തിരയുന്ന കൂടുതൽ ആളുകളിലേക്ക്‌ അത് ചെന്നെത്തുന്നതിനും ഇടയാകുന്നു.

അതായത് ഒരു വിഷയത്തിനുള്ളിൽ നിന്നുകൊണ്ട് തന്നെ അതേ
സമാനതയുള്ള വിഷയങ്ങൾ ഉൾക്കൊള്ളിച്ചുകൊണ്ടുള്ള വിഷയം തിരഞ്ഞെടുക്കുക എന്നു ചുരുക്കം.
നിങ്ങളുടെ ബ്ലോഗിലേക്ക് പ്രവേശിക്കുന്നവർ മിക്കപ്പോഴും, ചില  ചോദ്യങ്ങൾക്ക് ഉത്തരങ്ങൾ ലഭിക്കുമെന്ന പ്രതീക്ഷയിൽ വരുന്നു.
നിങ്ങൾ കൃത്യമായി അവരുടെ ചോദ്യങ്ങൾക്കും, സംശയങ്ങൾക്കും മറുപടി നൽകാൻ കഴിഞ്ഞാൽ  അടുത്ത കടമ്പ നിങ്ങൾ കടന്നു കഴിഞ്ഞു. അവർ വീണ്ടും നിങ്ങളുടെ ബ്ലോഗിൽ എത്തും.

രണ്ട് കാരണങ്ങളാൽ ഇതു വളരെ പ്രധാനമാണ്:
  • നിങ്ങൾ ഉപയോക്താക്കൾക്ക് പ്രയോജനം നൽകുന്ന  ഒരു ഇടം സൃഷ്ടിക്കുന്നു.
  • ഗൂഗിൾ തുടങ്ങിയ സെർച്ച് എഞ്ചിനുകൾ ഈ സമീപനത്തെ ഇഷ്ടപ്പെടുന്നു. അത് നിങ്ങൾക്ക് ഒരു പ്രത്യേക പദവി നൽകുന്നു.
ഇപ്പോൾ, താഴെപ്പറയുന്നവയെക്കുറിച്ച് ചിന്തിക്കുക.
ന്യൂയോർക്കിൽ നിങ്ങൾക്ക് ഒരു റെസ്റ്റോറന്റ് ഉണ്ടെന്നു കരുതുക അത്  വെബിൽ അല്ലെങ്കിൽ ഇന്റർനെറ്റ് സേർച്ചിൽ ആദ്യപേജിൽ പ്രത്യക്ഷപ്പെടാൻ നിങ്ങൾ ആഗ്രഹിക്കും.  

മറിച്ചു, നിങ്ങൾക്ക് ന്യൂയോർക്കിൽ ഒരു വെജിറ്റേറിയൻ റെസ്റ്റോറന്റ് മെനു വാഗ്ദാനം ചെയ്യുന്ന ഒരു റെസ്റ്റോറന്റ് ഉണ്ടെങ്കിൽ, ആ വാക്കിൽ തിരച്ചിൽ നടത്തുന്നവർ ഒറ്റ ക്ലിക്കിൽ ആദ്യ പേജിൽ തന്നെ നിങ്ങളുടെ വെബ്‌സൈറ്റ് കാണുന്നു. 

അതായത് സ്പെസിഫിക് ആയ ഒരു വിഷയം എടുക്കുക എന്നർത്ഥം. 

റെസ്റ്റോറന്റ് ഒരു സാധാരണ പദം എന്നാൽ അതിൽത്തന്നെ വെജിറ്റേറിയൻ എന്ന പദം വരുമ്പോൾ അത് തിരയുന്നവർക്കു വേഗത്തിൽ നിങ്ങളുടെ പേജിലെത്താൻ കഴിയുന്നു.


തിരക്കേറിയ ഈ  വിപണിയിൽ, ഇൻറർനെറ്റിൽ ഒരു നല്ല കീവേഡ് ചേർത്തുള്ള ഒരു ഡൊമൈൻ തിരഞ്ഞെടുക്കാൻ കഴിയുമെങ്കിൽ നിങ്ങൾക്ക് കൂടുതൽ വിജയിക്കാനാകും.
വിജയകരമായ ഒരു ബ്ലോഗ് സൃഷ്ടിക്കുവാൻ, മേൽപ്പറഞ്ഞ വസ്‌തുതകൾ  പാലിച്ചാൽ അത് നിങ്ങൾക്ക് കഴിയും!


മുകളിൽ വിവരിച്ച പോയിന്റുകൾ പരിഗണിച്ച്, ഈ അവശ്യ നടപടികൾ സ്വീകരിച്ച ശേഷം, നിങ്ങൾ ഒരു ബ്ലോഗ് സൃഷ്ടിക്കാൻ തയ്യാറാകുക, 

ഇത്രയും കാര്യങ്ങൾ ക്രമീകരിച്ച ശേഷം വേണം നിങ്ങൾ നിങ്ങളുടെ ആദ്യ ലേഖനം എഴുതാൻ ആരംഭിക്കേണ്ടത്.

ഓൺലൈൻ ലോകത്ത് വിജയത്തിലെത്താൻ ഈ നുറുങ്ങുകൾ നിങ്ങളെ സഹായിക്കുമെന്ന് ഞാൻ പ്രതീക്ഷിക്കുന്നു.

ഈ കുറിപ്പിനെപ്പറ്റിയുള്ള നിങ്ങളുടെ അഭിപ്രായങ്ങൾ, നിർദ്ദേശങ്ങൾ സംശയങ്ങൾ തുടങ്ങിയവ എന്തായാലും താഴെയുള്ള കമന്റ് ബോക്സിൽ കുറിക്കുക 

ഇവിടെ കുറിച്ചതിൽ കൂടുതൽ എന്തെങ്കിലും നിങ്ങൾക്കു പറയാനുണ്ടോ,  ചേർക്കാനുണ്ടോ?

എങ്കിൽ അതും കമൻറ് ബോക്സിൽ കുറിക്കുക.

നിങ്ങളുടെ പ്രതികരണങ്ങൾ, അഭിപ്രായങ്ങൾ  ഞങ്ങൾക്ക് വിലപ്പെട്ടതാണ്, അത് ഞങ്ങളുമായി പങ്കിടുക, 

നന്ദി!

നമസ്‌കാരം 

PS: പ്രിയപ്പെട്ട ഫിൽ  താങ്കളുടെ  വിലയേറിയ വായനക്കാരുമായി ആശയവിനിമയം നടത്താൻ എന്നെ ക്ഷണിച്ചതിനും അവസരം തന്നതിനും നന്ദി. 

ഞാൻ നിങ്ങളെ അഭിനന്ദിക്കുന്നു ഒപ്പം നിങ്ങളുടെ ഭാവിയിലെ എല്ലാ ശ്രമങ്ങളിലും വിജയിക്കട്ടെ എന്ന് ആശംസിക്കുന്നു.

ബ്ലോഗിംഗിൽ  അത്ഭുതകരവും ലാഭകരവുമായ സമയം നേരുന്നു! 

~ എറിക്


ശ്രീ എറിക് ഇമ്മാനു വെല്ലി ഫിലിപ്‌സ്‌കോം വെബ്‌സൈറ്റിൽ ഇംഗ്ലീഷിൽ എഴുതിയ ഒരു ഗസ്റ്റ് പോസ്റ്റിൻറെ സ്വതന്ത്ര വിവർത്തനം.
cutmypic(36)രചയിതാവിനെക്കുറിച്ച്: എറിക് ഇമാനുവെല്ലി  ഒരു ഇന്റർനെറ്റ് സംരംഭകൻ, സഞ്ചാരി, പ്രോ ബ്ലോഗർ, സോഷ്യൽ മീഡിയ വിപണനക്കാരൻ. ബ്ലോഗിംഗ്, എസ്.ഇ.ഒ, സോഷ്യൽ മീഡിയ, ഇൻറർനെറ്റ് മാർക്കറ്റിംഗ് എന്നിങ്ങനെ വ്യത്യസ്ത തലങ്ങളിൽ ആറ് വ്യത്യസ്ത വെബ് പേജുകൾ അദ്ദേഹം കൈകാര്യം ചെയ്യുന്നു, കൂടാതെ ചെറുകിട ബിസിനസ്സ് സംബന്ധിയായ ടിപ്പുകളും, ട്രിക്കുകളും തന്റെ ബ്ലോഗിലൂടെ പങ്കിടുന്നു. ക്ലിങ്ക് എന്ന പേരിൽ അതിവേഗം വളരുന്ന ബ്ലോഗിംഗ് കമ്മ്യൂണിറ്റി അദ്ദേഹത്തിനുണ്ട് . അദ്ദേഹം  ബിഴ്സുഗർ , ഇൻബൗണ്ട്, ഗ്രൊവ്ഥ്ഹാക്കർ  തുടങ്ങിയ വിവിധ പ്ലാറ്റുഫോമുകളിൽ  ഒരു സജീവ സാന്നിധ്യമാണ്.
നിങ്ങൾക്ക് തന്റെ പ്രധാന ബ്ലോഗ് വഴി അദേഹത്തെ സമീപിക്കാം 

ബ്ലോഗെഴുത്തിൻറെ വസന്തകാലം കടന്നുപോയോ? ഇല്ല! ബ്ലോഗുലകം ഉണരുകയായി!

12 comments

ബ്ലോഗെഴുത്തിൻറെ  വസന്തകാലം കടന്നുപോയോ? ഇല്ല! ബ്ലോഗുലകം ഉണരുകയായി!  


ബ്ലോഗെഴുത്തിൻറെ  വസന്തകാലം കടന്നുപോയോ എന്ന ആശങ്കക്കൊരു വിരാമം കുറിച്ചുകൊണ്ടിതാ ഒരു സംരഭം.

അതെ ബ്ലോഗുലകത്തിൽ ഒരു മെല്ലെപ്പോക്ക് നടക്കുന്ന ഈയവസരത്തിൽ അതിനൊരു വിരാമമിടാൻ അഥവാ അതിനൊരു അറുതി വരുത്താൻ ഒരു പരിധി വരെ  ഈ പുതിയ സംരഭത്തിനു കഴിയും എന്ന് ഞാൻ ഉറച്ചു വിശ്വസിക്കുന്നു.

ഈ വാർത്തയറിഞ്ഞപ്പോൾ പെട്ടന്ന് ഓർമ്മയിലെത്തിയത് കഴിഞ്ഞ സെപ്റ്റംബറിൽ ബ്ലോഗുലകത്തിലെ ഈ മന്ദതയെക്കുറിച്ചു ഞാനെഴുതിയ ഒരു കുറിപ്പാണു.

"മലയാളം ബ്ലോഗ് സാപ്പ്" വാട്ട്സ്പ്പ് കൂട്ടായ്‌മയുടെ കൂട്ടായ പരിശ്രമഫലമായി ഉരുത്തിരിഞ്ഞ ഒരു സംരംഭമത്രെ ബ്ലോഗുലകം അഗ്രഗേറ്റർ.  

ഇതിൽ മലയാളം ബ്ലോഗ് എഴുത്തുകാരുടെ ബ്ലോഗ് വിവരങ്ങൾ അവരുടെ പുതിയ ബ്ലോഗ് പോസ്റ്റ് ലിങ്ക് ഈ വെബ്‌സൈറ്റിന്റെ ഇരുവശങ്ങളിലുമായി ചേർത്തിരിക്കുന്നു.

ഏരിയലിന്റെ കുറിപ്പുകൾ ചില മാസങ്ങൾക്കു മുമ്പെഴുതിയ കുറുപ്പിന്റെ വിവരം അഗ്രഗേറ്ററിൽ ചേർത്തിരിക്കുന്നതിന്റെ  ഒരു സ്‌ക്രീൻഷോട്ട് താഴെ കൊടുക്കുന്നു. 


ഒരു പുതിയ ബ്ലോഗ് എങ്ങനെ തുടങ്ങാം എന്നുള്ള ഒരു കുറിപ്പു വളരെ വിശദമായി ഇതിൽ ഒപ്പം ചേർത്തിരിക്കുന്നു.  ഇത് ബ്ലോഗ് എഴുത്തു ആരംഭിക്കുവാൻ ആഗ്രഹിക്കുന്ന തുടക്കക്കാർക്ക് ഒരു വലിയ അനുഗ്രഹം തന്നെ. 

വളരെ മനോഹരമായി രൂപകൽപ്പന ചെയ്തത ഈ വെബ്‌സൈറ്റ് ബ്ലോഗ് എഴുത്തുകാർക്കൊരു പ്രോത്സാഹനം തന്നെയെന്നതിൽ സംശയമില്ല.  

ഇതിൻറെ സംഘാടർക്ക് "ഏരിയലിന്റെ കുറിപ്പുകൾ" വക എല്ലാ ആശംസകളും നേരുന്നു.  

മലയാളം ബ്ലോഗ് എഴുത്തുകാർ അവരുടെ ബ്ലോഗ് വിവരങ്ങൾ നൽകി  ഈ സംരംഭത്തെ വിജയിപ്പിക്കണം എന്ന് അഭ്യർഥിക്കുകയും ചെയ്യുന്നു.

ഈ സംരഭത്തെപ്പറ്റി കൂടുതൽ വിവരങ്ങൾ ഉൾക്കൊള്ളിച്ചെഴുതിയ ഒരു ചെറുകുറിപ്പ്‌ താഴെ കൊടുക്കുന്നു.

ബ്ലോഗുകളുടെ വസന്തകാലം കടന്നുപോയിരിക്കുന്നുവോ !!

കഥകളുടെ, കവിതകളുടെ, തുറന്നുപറച്ചിലുകളുടെ, ഹാസ്യപ്പകർച്ചപൂണ്ട പരുക്കൻ യാഥാർഥ്യങ്ങളുടെ, യാത്രകളുടെ, യാത്രാമൊഴികളുടെ പൊതുഇടം മയക്കത്തിലാണ്ടു പോയിരിക്കുന്നു! 


ഇത്  ബ്ലോഗുകളെ സ്നേഹിക്കുന്ന നിങ്ങളെ  അസ്വസ്ഥരാക്കുന്നില്ലേ?   ഗതകാലസ്മൃതികൾ അയവിറക്കി എത്ര നാൾ നമുക്ക് നിഷ്ക്രിയരായി ഇരിക്കുവാനാകും?? 

നമ്മുടെ അക്ഷരങ്ങൾക്ക് തുടർച്ച വേണ്ടേ? നമ്മുടെ ആശയങ്ങൾക്ക് പരസ്പരം സംവദിക്കണ്ടേ?

സോഷ്യൽ മീഡിയയുടെ കുത്തൊഴുക്കിൽ ഒലിച്ചുപോയ, നാം ആദ്യാക്ഷരങ്ങൾ കുറിച്ച കളിമണൽത്തിട്ടു വീണ്ടും സജീവമാകണ്ടേ?
വേണമെന്ന് നിങ്ങൾ അകമഴിഞ്ഞ് ആഗ്രഹിക്കുന്നുവെങ്കിൽ ഇതാ ഞങ്ങളോടൊപ്പം അണിചേരൂ ! 

ഈ ബ്ലോഗ് അഗ്ഗ്രിഗേറ്ററിൽ നിങ്ങളുടെ ബ്ലോഗ്  ലിസ്റ്റ് ചെയ്യൂ....

ആശയ സംവാദത്തിനുള്ള അനന്തസാദ്ധ്യതകൾ തുറക്കൂ... 

അക്ഷര വസന്തം വീണ്ടും മയക്കം വിട്ടുണരട്ടെ ! 

പൂത്തുലയട്ടെ!

ഞങ്ങൾ ലിസ്റ്റ് ചെയ്തിരിക്കുന്നവയിൽനിന്നും ഏറ്റവും പുതിയ പോസ്റ്റുകൾ നിങ്ങൾക്ക് കാണാൻ സാധിക്കും. 

നിങ്ങളുടെ ബ്ലോഗ് അഗ്രിഗേറ്ററിൽ ചേർക്കാൻ ആഗ്രഹിക്കുന്നു എങ്കിൽ അഗ്ഗ്രിഗേറ്ററിൽ കൊടുത്തിരിക്കുന്ന മെയിൽ ഐഡിയിൽ ബന്ധപ്പെടുക.

അഗ്ഗ്രിഗേറ്ററിലേക്കുള്ള വഴി ഇതാ ഇവിടെ

എല്ലാവർക്കും പുതുവത്സരാശംസകൾ...


ബ്ലോഗ്‌ മാന്ദ്യമോ? ചില ചിന്തകൾ

14 comments
Updated on September 22, 2019.

ശ്രീ. ഇ എ സജിം തട്ടത്തുമല
"പ്രസിദ്ധ  എഴുത്തുകാരനും, ബ്ലോഗറും, പത്രാധിപരുമായ ശ്രീ. ഇ എ സജിം തട്ടത്തുമലയുമായി" ഇന്ന് അൽപ്പ സമയം  ചാറ്റിലൂടെ സംസാരിക്കുകയുണ്ടായി, വിവിധ വിഷയങ്ങൾ സംസാരിച്ചെങ്കിലും,  പെട്ടന്നു ബ്ലോഗെഴുത്തും  അതിന്റെ ഇപ്പോഴത്തെ 'മന്ദതയും' അഥവാ 'മെല്ലപ്പോക്കും' ആയി പ്രധാന സംസാര വിഷയം.

ഞാൻ പറഞ്ഞു, 'വളരെ ഗൗരവതരമായ ഒരു വിഷയം തന്നെ,  എഴുത്തുകാരിൽ പലരും ഇന്ന് ബ്ലോഗ്‌ ഉപേക്ഷിച്ചു സോഷ്യൽ സൈറ്റുകളിൽ അഭയം തേടുന്നതിനാൽ പലരുടേയും ബ്ലോഗിൽ കാര്യമായൊന്നും പ്രത്യക്ഷപ്പെടുന്നുമില്ല.' ഒരു പക്ഷെ തങ്ങൾക്കു കിട്ടുന്ന സമയത്തിന്റെ  ഒരു നല്ല പങ്കും അവിടെ ചിലവഴിക്കുന്നതായിരിക്കാം ഒരു കാരണം.   എന്തായാലും ഇതൊരു സത്യമായി തന്നെ അവശേഷിക്കുന്നു.

ഈ നില തുടർന്നാൽ ബ്ലോഗെഴുത്തിന്റെ ഭാവി എന്താകും ?

ആശങ്കാജനകമായ ഒരു ചോദ്യമത്രേ ശ്രീ സജിം ഉന്നയിച്ചത് !

അതേപ്പറ്റി ചിന്തിച്ച എനിക്കും അതു തന്നെ തോന്നി.

ഇവിടെ നമുക്കു എന്ത് ചെയ്യുവാൻ കഴിയും!

നമുക്കൊന്നുറക്കെ ചിന്തിക്കാം!

ബ്ലോഗെഴുത്തിന്റെ സാദ്ധ്യതകൾ സീമാതീതമത്രെ, ഇവിടെ അതിനൊരു വിലക്കോ, നിയന്ത്രണമോ ഇല്ല എന്നതു തന്നെ അതിന്റെ മുഖ്യ കാരണവും.  ഈ നല്ല സന്ദർഭം നമുക്കു തക്കത്തിൽ ഉപയോഗിക്കാം. നമ്മുടെ സർഗ്ഗ സൃഷ്ടികൾ നമുക്കു കുറിച്ചു വെക്കാം, അത് വരും തലമുറകൾക്കു ഒരു മുതൽക്കൂട്ടാകും എന്നതിൽ സംശയം വേണ്ട.  

ഇവിടെ നാം തന്നെ എഴുത്തുകാരും പ്രസാധകരും ആകുമ്പോൾ  അത് വായിക്കുന്നവർ അതിൽ വരുത്തേണ്ട മാറ്റങ്ങൾ, കുറവുകൾ പരസ്പരം പറയുകയും ചർച്ച ചെയ്യുകയും ചെയ്താൽ നമ്മുടെ സൃഷ്ടികൾ ഉത്തമ രചനകളുടെ കൂട്ടത്തിൽ എത്തുകയും ചെയ്യും. അത് ബ്ലോഗെഴുത്തിനെ സംശയ ദൃഷ്ടിയോടെ കാണുന്നവർക്കും, അതിനെ ചവറെഴുത്തെന്നും, മറ്റു ചില സാഹിത്യങ്ങൾ എന്നു ഓമനപ്പേരിട്ടു വിളിക്കാൻ  വെമ്പൽ കൊള്ളുന്നവർക്കും ഒരു നല്ല തിരിച്ചടിയാകും.

അതുകൊണ്ടു നമ്മുടെ രചനകൾ കഴിവുള്ളിടത്തോളം ബ്ലോഗിൽ തന്നെ എഴുതുവാനും അതു മറ്റുള്ളവരിലേക്ക് എത്തിക്കാനും നമുക്കു പരമാവധി ശ്രമിക്കാം, ഇക്കാര്യത്തിൽ നമുക്കു തീർച്ചയായും മറ്റു സോഷ്യൽ വെബ്‌ സൈറ്റുകളെ ആശ്രയിച്ചേ മതിയാകൂ.

ബ്ലോഗ്‌ എഴുതുന്ന സുഹൃത്തുക്കൾ, ഇപ്പോൾ കൂടുതലും സോഷ്യൽ സൈറ്റുകളിൽ സമയം ചിലവഴിക്കുന്ന എഴുത്തുകാർ, ഇത് വളരെ ഗൌരവതരമായി തന്നെ എടുക്കേണ്ടതുണ്ട്‌.  പലപ്പോഴും ഫേസ് ബുക്ക്‌ തുടങ്ങിയ സൈറ്റുകളിൽ എഴുതുന്നതു പിന്നീട് വായിക്കാനോ ചിലപ്പോൾ തിരഞ്ഞു പിടിക്കാനോ കഴിയാതെ വരുന്നു. ചിലപ്പോൾ ഒരിക്കലും പിന്നീടത്‌ കണ്ടെത്താനും കഴിഞ്ഞെന്നു വരില്ല. ഫേസ് ബുക്കിന്റെ അടിത്തട്ടിലേക്കതു ഇനി ഒരിക്കലും പൊങ്ങി വരാതവണ്ണം താഴ്ന്നു പോകുന്നു, എത്ര മുങ്ങിത്തപ്പിയാലും കണ്ടെത്താനാകാതെ അത് നഷ്ടമാകുന്നു.  അങ്ങനെ അനേകരിലേക്കു എത്തേണ്ട നല്ല നല്ല രചനകൾ പലപ്പോഴും നഷ്ടമാവുകയും ചെയ്യുന്നു. ഇവിടെയാണ്‌ ബ്ലോഗെഴുത്തിന്റെ പ്രസക്തി പ്രബലപ്പെടുന്നതും.

ബ്ലോഗിൽ ഒരു കാലത്തു സജീവമായിരുന്ന പലരും ഇന്ന് മാറി നിൽക്കുന്നതുപോലെ ഒരു  തോന്നൽ, ഒരു പക്ഷെ അവർക്കിവിടെ ലഭിക്കുന്ന പ്രതികരങ്ങങ്ങളുടെ/പ്രോത്സാഹനങ്ങളുടെ കുറവോ, അതോ സമയ ദാരിദ്ര്യമോ എന്താണന്നറിയില്ല, തീർച്ചയായും സമയം ഇവിടെ ഒരു വില്ലൻ ആണെന്നതിൽ സംശയം ഇല്ല. 

പിന്നെ ബ്ലോഗിൽ ഇപ്പോൾ കണ്ടു വരുന്ന ഈ മാന്ദ്യതക്കുള്ള മറ്റൊരു കാരണം.  തങ്ങൾ എഴുതുന്നവ വായിക്കുവാൻ ആളെ കിട്ടാതെ പോകുന്നു എന്നൊരു തോന്നൽ മൂലം പലരും ബ്ലോഗ് ഉപേക്ഷിച്ചു പോകുവാൻ തീരുമാനിക്കുന്നു. എങ്കിലും എഴുത്തുകാർ കുറേക്കൂടി മുൻകൈ എടുത്താൽ ബ്ലോഗുകൾ സജീവം ആകും എന്നതിലും  സംശയം ഇല്ല.  

ബ്ലോഗ്‌ എഴുത്തിനൊപ്പം മറ്റുള്ളവരുടെ ബ്ലോഗു സന്ദർശിക്കാനും അവിടെ ക്രീയാത്മകമായ ചില കുറിപ്പുകൾ അഥവാ കമന്റുകൾ എഴുതാൻ അൽപ്പസമയം കണ്ടെത്തുകയും ചെയ്താൽ പുതുതായി ബ്ലോഗ്‌ എഴുത്തിലേക്ക്‌ വരുന്നവർക്കു അതൊരു വലിയ പ്രോത്സാഹനം ആവുകയും അവർക്ക് ഇനിയും ഇനിയും എഴുതണം ഇവിടെത്തന്നെ പിടിച്ചു നിൽക്കണം എന്നൊരു തോന്നൽ ഉണ്ടാകുന്നതിനും സംഗതിയാകുന്നു, ഒപ്പം, അത്, കൂടുതൽ എഴുതണം എന്നുള്ള ഒരു പ്രേരണ ലഭിക്കുന്നതിനും കാരണമാകുന്നു. 

കമന്റു ഇടുന്നവർ, ഇവിടെ ശ്രദ്ധിക്കേണ്ട മറ്റൊരു കാര്യം ബ്ലോഗു വായിക്കാതെ വെറുതെ രണ്ടു വാക്ക് കമന്റിനു വേണ്ടി മാത്രം പറയാതിരിക്കുക, ബ്ലോഗ്‌ വായിച്ചു തന്നെ, ഉള്ളത് ഉള്ളത് പോലെ മുഖസ്തുതിയല്ലാതെ  പറയുവാൻ ശ്രമിച്ചാൽ മിക്കവർക്കും അവർക്ക് സംഭവിച്ച പാളിച്ചകൾ മനസ്സിലാക്കുവാനും അത് തിരുത്തി കൂടുതൽ നല്ല രചനകൾ സൃഷ്ടിക്കുവാനും അത് സഹായകമാകുന്നു. 

കുറേക്കാലം മുൻപ് ബ്ലോഗ്‌ കമന്റുകളോടുള്ള ബന്ധത്തിൽ ഞാൻ എഴുതിയ ഒരു ലേഖനം ഇത്തരുണത്തിൽ പ്രസ്താവ്യമത്രേ, അത്  ഇവിടെ വായിക്കുക. കമന്റു എഴുതുമ്പോൾ ശ്രദ്ധിക്കേണ്ട ചില കാര്യങ്ങൾ അനുഭവത്തിലൂടെ പഠിച്ചവ അവിടെ കുറിച്ചിരിക്കുന്നു.


മറ്റൊരു നിർദ്ദേശം:
ബ്ലോഗ്‌ എഴുത്തിലും വായനയിലും താല്പര്യം ഉള്ളവർ. ഓരോ ദിവസവും തങ്ങൾക്കു ലഭിക്കുന്ന സമയത്തിൽ ഒരു പങ്കു മറ്റു ബ്ലോഗുകൾ സന്ദർശിക്കാനും, (കുറഞ്ഞത്‌ ഒരു മൂന്നോ നാലോ എണ്ണം, സമയ ലഭ്യതയനുസരിച്ച് എണ്ണം കൂട്ടുകയും ചെയ്യാം) അവിടെ ക്രീയാത്മകാമായ അഭിപ്രായങ്ങൾ രേഖപ്പെടുത്താനും ശ്രമിക്കും എന്നൊരു തീരുമാനം എടുക്കുകയും, അത് പ്രാവർത്തികമാക്കുകയും ചെയ്താൽ പിന്മാറി നില്ക്കുന്ന പലരും വീണ്ടും ബ്ലോഗിൽ എത്താനും, സജീവമാകാനും  സാദ്ധ്യതയുണ്ട്. ഇത്തരം ഒരു തീരുമാനം എടുക്കുവാൻ നമ്മിൽ ചിലർ ഒരുമിച്ചു ശ്രമിച്ചാൽ അതൊരു വലിയ കൂട്ടായ്മയുടെ തുടക്കമാകും. ഇങ്ങനെ ഒരു ശ്രമം നമുക്ക് നടത്തിക്കൂടെ!!!
ചിന്തിക്കുക.

ഈ നിർദ്ദേശങ്ങൾ നടപ്പിൽ വരുത്താൻ ശ്രമിച്ചാൽ ഇപ്പോഴുള്ള ഈ മാന്ദ്യതക്ക് ഒരു പരിധി വരെ പരിഹാരം കാണാൻ കഴിയും എന്നാണെന്റെ വിശ്വാസം 

ഇക്കാര്യത്തിൽ നമുക്കോരോരുത്തർക്കും എന്തു ചെയ്യുവാൻ കഴിയും? 

കമന്റു ബോക്സിലൂടെ നിങ്ങളുടെ അഭിപ്രായങ്ങളും, നിർദ്ദേശങ്ങളും പങ്കു വെക്കുക. അങ്ങനെ അതിൻപ്രകാരം മുൻപോട്ടു പോകുവാനും ബ്ലോഗുലകം തന്മൂലം കൂടുതൽ സജീവമാകുവനും, അത് കൂടുതൽ പേരിലേക്ക്  എത്തിക്കുവാനും കാരണമാകും.

ഈ കാര്യത്തിൽ സഹകരിക്കാൻ താൽപ്പര്യം ഉള്ളവർ ദയവായി ശ്രീ സജിം തട്ടത്തുമലയുമായി ബന്ധപ്പെടുക. 
അദ്ദേഹത്തിന്റെ ഈ മെയിൽ വിലാസം: easajim@gmail.com 
ബ്ലോഗിലേക്കുള്ള വഴി: വിശ്വമാനവികം


ഏതായാലും ബ്ലോഗെഴുത്തുകാർ കുറേക്കൂടി പരസ്പരം സഹകരിച്ചാൽ ഇപ്പോഴുള്ള ഈ മാന്ദ്യത്തിനു ഒരു പരിധി വരെ പരിഹാരം കാണാൻ സാധിക്കും എന്നാണെന്റെ വിശ്വാസം.


ഒരു വാൽക്കഷണം:
ബ്ലോഗ്‌ എഴുത്തിൽ അടുത്തിടെ ശ്രദ്ധയിൽപ്പെട്ട ഒരു വസ്തുത ചില പ്രീയപ്പെട്ടവരുടെ അറിവിലേക്കായി ഇവിടെ സൂചിപ്പിക്കാൻ ആഗ്രഹിക്കുന്നു.

സമയ ലഭ്യത അനുസരിച്ച് നാം പല ബ്ലോഗുകളും സന്ദർശിക്കുന്നവരാണല്ലോ, ഒപ്പം മിക്കപ്പോഴും ആ ബ്ലോഗുകളിൽ നാം ഫോളോവെർസ് ആയി ചേരാറുമുണ്ടല്ലോ അതുപോലെ മറ്റു സന്ദർശകർ നമ്മുടെ ബ്ലോഗുകളിലും എത്തുകയും ബ്ലോഗിൽ ചേരുകയും ചെയ്യാറുണ്ടല്ലോ, എന്നാൽ നിർഭാഗ്യവശാൽ അവരുടെ അവതാർ ചിത്രത്തിൽ അമർത്തി  അവരുടെ പേജിൽ എത്തിയാൽ അവരുടെ ബ്ലോഗിലേക്കുള്ള വഴി കണ്ടെത്താൻ കഴിയാതെ വരുന്നു. പ്രാധാനമായും ഗൂഗിൾ പ്ലസ്സിൽ ചേർന്നവരുടെ ഗൂഗിൾ പ്ലസ് പേജിൽ ചെന്നാൽ അവരുടെ ബ്ലോഗിലേക്കുള്ള ലിങ്കിന്റെ ഒരു തരി പോലും അവിടെ കാണില്ല,  അതുകൊണ്ട് പലപ്പോഴും അവർ എഴുതിയത് വായിക്കാനോ അവരുടെ ബ്ലോഗിൽ ചേരാനോ കഴിയാതെ വരുന്നു. ഈ നാളുകളിൽ നിരവധിപ്പേർ ഗൂഗിൾ പ്ലസ്സിൽ ചേരുന്നു, അതിനുള്ള ഒരു കാരണം ഗൂഗിൾ പ്ലസ് പേജിൽ ഇടുന്ന പ്രതികരണങ്ങൾ അപ്പോൾ തന്നെ അവരുടെ ബ്ലോഗുകളിലും പ്രത്യക്ഷമാകുന്നു എന്നതു തന്നെ.ഇവിടെ  ഗൂഗിൾ പ്ലസ് അവതാർ പിക്ചർ ആയി നൽകുന്നവർ പ്രത്യേകം ശ്രദ്ധിക്കുക: അവരുടെ about പേജിൽ കുറഞ്ഞ പക്ഷം തങ്ങളുടെ ബ്ലോഗ്‌ പേജിൽ എത്താനുള്ള വഴി  url (ലിങ്ക്) തീർച്ചയായും ചേർക്കുക (ഒപ്പം മറ്റു കോണ്ടാക്റ്റ് വിവരങ്ങളും ഇവിടെ നൽകാവുന്നതാണ്) ഇല്ലെങ്കിൽ നിങ്ങൾ സന്ദർശിക്കുകയും, ചേരുകയും, കമന്റു ഇടുകയും ചെയ്യുന്ന ബ്ലോഗിൽ നിന്ന് പോലും അവർക്കു നിങ്ങളുടെ പേജിൽ എത്താൻ കഴിയാതെ പോകുന്നു. 

ഇങ്ങനെ എന്റെ ബ്ലോഗിൽ ചേർന്ന പലരുടെ ബ്ലോഗുകളിലും എനിക്കു ചെന്നു ചേരുവാനോ അവരുടെ ബ്ലോഗിൽ ചേരാനോ  കഴിയാതെ പോയി എന്നതു ഖേദത്തോടെ ഇവിടെ കുറിക്കുന്നു. 

എന്നാൽ ഇവർ ബ്ലോഗിൽ ചെരുന്നതോടൊപ്പം ഒന്നോ രണ്ടോ വാക്കിൽ ഒരു കമന്റു പോസ്റ്റു ചെയ്താൽ അവരുടെ ബ്ലോഗിൽ എത്താൻ എളുപ്പമായിരിക്കും എന്നും തോന്നുന്നു. ഇതിന്റെ ടെക്നിക്കൽ വശം അറിയാവുന്നവർ അതേപ്പറ്റി വിവരങ്ങൾ നൽകിയാൽ നന്നായിരിക്കും.

ഈ കാര്യങ്ങൾ ബ്ലോഗ്‌ എഴുത്തുകാരും, സന്ദർശകരും വായനക്കാരും ഓർക്കുന്നത് വളരെ നല്ലതാണ്.

ഇവിടെ വന്നു ഇത് വായിക്കുന്നതിനും അഭിപ്രായം കുറിക്കുന്നതിനും മുൻ‌കൂർ നന്ദി രേഖപ്പെടുത്തുന്നു.


എന്റെ ബ്ലോഗിൽ കഴിഞ്ഞ നാളുകളിൽ ചേർന്ന താഴെക്കുറിക്കുന്നവരുടെ ബ്ലോഗുകളിൽ ഇന്നുവരേയും ചെന്നെത്താൻ കഴിഞ്ഞിട്ടില്ല കാരണം അവരുടെ അവതാർ ചിത്രത്തിൽ ക്ലിക്ക് ചെയ്താൽ താഴെ ചിത്രത്തിൽ കാണുന്ന  ഒരു ബോക്സ് പ്രത്യക്ഷപ്പെടുന്നു. അവരുമായി
ബന്ധപ്പെടുവാനോ അവരുടെ ബ്ലോഗിൽ എത്തുവാനോ ഉള്ള വഴി അവിടെ ഇല്ല. ദയവായി താഴെ കൊടുത്തിരിക്കുന്ന പേരുകാർ ഒന്നുകിൽ അവരുടെ ബ്ലോഗ്‌ പേജ് ലിങ്ക് അവരുടെ പേജിൽ കൊടുക്കുകയോ അല്ലെങ്കിൽ അവരുടെ ലിങ്ക് ഒരു കമന്റായി ഇവിടെ ചേരർക്കുകയോ ചെയ്താൽ നന്നായിരുന്നു.  അവരുടെ ബ്ലോഗ്‌ പേജിലേക്ക് എത്താൻ അതു സഹായകമാകും. 

എന്റെ ബ്ലോഗിൽ വന്നതിനും ചേർന്നതിനും വീണ്ടും നന്ദി  

1.       Sharath Prasad
2.       Elizebeth Thomas
3.       Rajeev
4.       Haadik Ali
5.       Rani Priya
6.       Kuriachen
7.       Swantham Suhruth
8.       Girish Kalleri
9.       Anil Kumar
10.   Lali tsy
11.   Lijitha T Thampy
12.   Admi jabeer
13.   Rajesh Rajashekharan

Mr. Sankaranarayana Panikar's Google+ page
മറ്റൊരുദാഹരണം: 
മുകളിൽ സൂചിപ്പിച്ചതുപോലെ പലരുടേയും ഗൂഗിൾ പ്ലസ് പേജിൽ അവരുടെ ബ്ലോഗിലേക്കുള്ള ലിങ്ക് കാണുന്നില്ല ഉദാഹരണത്തിന്  പണിക്കർ സാറിന്റെ ഗൂഗിൾ പ്ലസ് പേജിൽ  (സ്ക്രീൻ ഷോട്ട് കാണുക) പോയാലോ അവിടെ അദ്ദേഹത്തിന്റെ  YouTube ലിങ്ക് മാത്രം കാണാം.   അദ്ദേഹത്തിന്റെ പ്രധാന ബ്ലോഗിലേക്കുള്ള ലിങ്ക് അവിടെ കാണുന്നില്ല, പിന്നെ, അദ്ദേഹത്തിന്റെ post പേജിൽ പോയി ലിങ്ക് കണ്ടുപിടിക്കണം എന്നിട്ടു വേണം അവിടേക്കു പോകുവാൻ.  അധികമാരും അതിനു മുതിരുകയില്ല, പകരം അവർ മടങ്ങിപ്പോകുന്നു.  ഇങ്ങനെ പുതുതായി ബ്ലോഗിൽ വന്നവരുടേയും  ഗൂഗിൾ പ്ലസ്സിൽ പുതുതായി അക്കൗണ്ട് തുറന്നവരുടെയും പേജിൽ അവരുടെ പ്രധാന ബ്ലോഗ്‌ പേജിലേക്കുള്ള വഴി അഥവാ ലിങ്ക് ഇല്ല.  ഇവിടെ പണിക്കർ സാർ ഒരു കമന്റു നൽകിയതിന്നൽ അദ്ദേഹത്തിന്റെ പേജിൽ എത്താൻ ബുദ്ധിമുട്ടുണ്ടായില്ല.


ബ്ലോഗ്‌ എഴുത്തുകാർ ഈ സംഗതികൾ ഗൌരവമായി എടുത്താൽ തീർച്ചയായും നമ്മുടെ ബ്ലോഗുകളിൽ സന്ദർശകരുടെ തിരക്കു വർദ്ധിക്കും, നാം ചേരുന്ന ബ്ലോഗിൽ  നിന്നും തിരിച്ചു അവർ നമ്മുടെ ബ്ലോഗും സന്ദർശിക്കാൻ ഇടയുണ്ട്.

വീണ്ടും ഒരു വാൽക്കഷണം:


മുകളിൽ ഗൂഗിൾ പ്ലസിനെപ്പറ്റിക്കുറിച്ചതിനൊരു അനുബന്ധം:
അടുത്തകാലത്തു അകാലത്തിൽ ചരമം അടഞ്ഞ  ഗൂഗിൾ പ്ലസ്സിനെപ്പറ്റി ഓർക്കുമ്പോൾ ദുഃഖം തോന്നുന്നു. മുകളിലെ വരികൾ മരണത്തിനു മുമ്പ് കുറിച്ചതാണ്.  
അതേപ്പറ്റി ഇംഗ്ലീഷിൽ ഞാൻ കുറിച്ച ഒരു കുറിപ്പ് ഇവിടെ വായിക്കുക

Google Plus Is Going To Die, Here Are Few Alternatives To Google Plus


Published on Sep 20, 2013


Visit PHILIPScom

PHILIPScom On Facebook